11:08, 20 - شىلدە 2015 | GMT +5
توعىزقۇمالاقتان كومپيۋتەر باعدارلامالارى بويىنشا الەم چەمپيوناتىندا قازاقستاندىقتار باس جۇلدەنى جەڭىپ الدى
استانا. قازاقپارات - 17-19- شىلدە ارالىعىندا چەحيا رەسپۋبليكاسىنىڭ پاردۋبيتسە قالاسىندا توعىزقۇمالاقتان كومپيۋتەر باعدارلامالارى اراسىنداعى Ⅲ الەم چەمپيوناتى ءوتتى، دەپ حابارلايدى شتاتتىق ۇلتتىق كوماندالار مەن سپورتتىق رەزەرۆ ديرەكتسياسىنىڭ باسپا ءسوز قىزمەتىنەن.
1- ورىندى قازاقستاندىق اۆتورلار: ەرنار شامبايەۆ، ديانا كەنينا جانە سەرىك اقتايەۆتىڭ باعدارلاماسى 6 ۇپاي جيناپ جەڭىپ الدى. Ⅱورىن - قىرعىزستان ەلىنىڭ اۆتورلارىنىڭ باعدارلاماسى يەلەنسە، Ⅲ ورىنعا چەحيا رەسپۋبليكاسىنىڭ اۆتورلارى دايىنداعان باعدارلاماسى لايىق دەپ تانىلدى.
دۇنيەجۇزىلىك توعىزقۇمالاق فەدەراتسياسى جانە توعىزقۇمالاقتان چەحيا رەسپۋبليكاسىنىڭ فەدەراتسياسى حالىقارالىق دەڭگەيدە ناسيحات جۇرگىزۋ ءۇشىن زياتكەرلىك ويىنداردى جازاتىن الەمنىڭ ۇزدىك پروگراميستەرىن تارتۋعا دەن بەرۋدە.
