رەسەيدىڭ سوڭعى پاتشاسىنىڭ وتباسى قالاي استىرتىن ءولتىرىلدى
بۇل تۋرالى «ارگۋمەنتى ي فاكتى» اڭگىمەلەدى.
وسى ناعىز قانىپەزەرلىك قانقۇيلى ىسكە لەنين، سۆەردلوۆ، گولوشەكين سەكىلدى بولشيەۆيكتەردىڭ تىكەلەي قاتىسى بولدى.
وكتابر رەۆوليۋتسياسى جەڭىسكە جەتكەننەن كەيىنگى كەلەسى جىلعى كوكتەمدە، ياعني 1918 -جىلدىڭ ءساۋىر ايىندا ءىس جۇزىندە رومانوۆتاردىڭ وتباسى تۇگەلدەي ورال تاۋلارىنىڭ ارعى جاعىنا اكەتىلدى. وندا بارعاسىن، پاتشا وتباسىنىڭ قايدا ەكەنىن بىلايعى جۇرت بىلمەۋى ءۇشىن ولاردىڭ ورنالاسقان جەرلەرى ءجيى اۋىستىرىلىپ تۇرادى. ال قالعان قىزمەتشىلەر يپاتيەۆ ۇيىنە ورنالاستىرىلادى. اقىرىندا ولاردىڭ ءبارى الاپايەۆسكىگە اكەتىلەدى.
باسىندا تۇتقىندالعاندار رومانوۆتاردىڭ بارىنە الاپايەۆسكىدە ەمىن-ەركىن ءجۇرۋ ءۇشىن ارنايى كۋالىك بەرىلەدى. ولار مۇندا شىركەۋگە بارىپ، سەرۋەندەۋگە مۇمكىندىك الادى. ءبىراق كوپ ۇزاماي جاعداي كۇرت وزگەرەدى. ماۋسىمنىڭ 12 سى كۇنى ۇلى كىناز ميحايل الەكساندروۆيچتىڭ «قاشپاق بولعانى» ايقىندالىپ، ءتارتىپ بىردەن قاتاڭدانادى. شىن مانىندە ونى چ ك مەن ميليتسيا قىزمەتكەرلەرى اتىپ تاستاعان ەدى. بولشيەۆيكتەر بۇل جاعدايدى قاماۋداعى رومانوۆتارعا قارسى قولدانىلاتىن ءتارتىپتى كۇشەيتۋ ءۇشىن پايدالاندى.
شىلدەنىڭ 17 سىنەن 18 نە قاراعان ءتۇنى پاتشا سەمياسى مۇشەلەرى مەن ولاردىڭ قىزمەتشىلەرىنىڭ ءبارى اتىلدى. كەلەسى كۇنى بولشيەۆيكتەر ولاردى اق گۆاردياشىلار تارتىپ الىپ كەتتى، دەگەن قاۋەسەت تاراتتى. ال ءىس جۇزىندە 18 -شىلدە كۇنى تۇندە ولتىرىلگەندەردىڭ مايىتتەرىن وزدەرى الىپ شىعىپ، تومەنگى سەليمدەگى قالعان كەن ورنىنىڭ شاحتاسىنا لاقتىرىپ تاستايدى.
سول جەردە ءالى ولتىرىلمەگەن قىزمەتكەرلەردى بالتامەن شابادى. سوڭىنان ىزدەرىن جاسىرۋ ءۇشىن شاحتاعا گراناتا لاقتىرىپ، جارىپ كەتەدى. كەيىن رومانوۆتار سۇيەكتەرى جاتقان جەرى بەلگىلى بولىپ، ونى اشىپ قاراعاندا، مۇندا تۇسكەندەردىڭ ءبارى بىردەي بىردەن ءولىپ كەتپەگەندەرى، ءبىرازى كومىلگەننەن كەيىن دە ءتىرى قالىپ، ازاپپەن ءجانتاسىلىم ەتكەندەرى، ولاردىڭ العان جاراقاتتارى مەن اشتىقتان ۇزىلگەندەرى انىقتالادى.
