قىزىلوردا وبلىسىنان مۇنايدىڭ مول قورى تابىلۋى مۇمكىن
ناتيجەسىندە 4 جوبا جاساقتالىپ، قازىرگى تاڭدا قارماقشى اۋدانىنداعى اقبۇلاق ۇڭعىماسى بۇرعىلانۋدا. ماماندار جەر قىرتىسىنىڭ تومەنگى قاباتىنان مۇنايدىڭ مول قورى تابىلاتىنىنان ءۇمىتتى.
تىرەكتى- پارامەترلىك ۇڭعىما تاۋلىك بويى ۇزدىكسىز قازىلادى. 2 اۋىسىم بويىنشا جۇمىسقا قابىلدانعان 80 ادام بۇرعىلاۋ جۇمىستارىن 3 جارىم مىڭ مەتر تەرەڭدىككە دەيىن جۇرگىزەدى.
ساعادات امانقوسوۆ، ۋچاسكە باسشىسى:
- قازىرگى تاڭدا 353 مەتر تەرەڭدىككە دەيىن قازىپ ۇلگەردىك. 2 باعانا جىبەردىك. الداعى ۋاقىتتا ۇڭعىمانى تەرەڭدەتۋ جۇمىستارىن جەدەلدەتۋدى جوسپارلاپ وتىرمىز. وسى ۇڭعىما ارقىلى ءبىز وسى اۋماقتاعى شيكىزات قورى جايلى ناقتى مالىمەت الاتىن بولامىز.
عالىم امىرەيەۆ، وبلىس اكىمىنىڭ ورىنباسارى:
- 3 جارىم مىڭ مەتر جەر ارنايى زەرتتەۋدەن وتەدى. بۇل جەردەن تەك قانا مۇناي ەمەس، گاز دا شىعۋى مۇمكىن. باسقا دا شيكىزات تۇرلەرى شىعۋى مۇمكىن. سوندىقتان بولاشاعى زور.
گەولوگيالىق- گەوفيزيكالىق بارلاۋ جۇمىستارى سونداي- اق سىرداريا، شيەلى، جاڭاقورعان اۋداندارىندا دا جۇرگىزىلۋدە. اسىرەسە قارت قاراتاۋدىڭ قويناۋىندا پايدالى قازبا بايلىعى جەتەرلىك. بۇگىندە اقجار جانە داربازا رۋدالى كەنىشتەرىندە تاۋ- كەندىك ىزدەۋ- باعالاۋ شارالارى باستالعان.
شاكيزات قالبەرگەنوۆ، اۋماقتىق گەولوگيا جانە جەر قويناۋىن پايدالانۋ ينسپەكتسياسىنىڭ باسشىسى:
- قازىرگى كەزدە ءبىراز ۋچاسكەلەردە التىن شىعىپ جاتىر. وعان ارى قاراي جۇمىستار جۇرگىزىلىپ، زەرتتەپ، قورىن ۇلكەيتەمىز دەگەن ۇمىتتەمىز.
تابىلعان پايدالى قازبالار وبلىسىمىزدى، ەكونوميكامىزدى ارى قاراي وركەندەتۋگە ءبىراز ۇلەسىن قوسادى دەگەن ۇمىتتەمىز. شيكىزات قورلارىن انىقتاۋمەن بىرگە وبلىس اۋماعىنداعى جەراستى سۋ كوزدەرىن تاۋىپ، ءتيىمدى پايدالانۋ جۇمىستارى دا قاتار جۇرگىزىلمەك. جالپى بۇل ماقساتتا 5 ميلليارد تەڭگە جۇمسالماق.
www.24.kz
