ق ر ۇلتتىق قاۋىپسىزدىك كوميتەتى بىشكەكتە ەكى قازاقستاندىقتىڭ كوزى جويىلعانى تۋرالى ب ا ق- تا جاريالانعان اقپاراتقا قاتىستى تۇسىنىكتەمە بەردى

 استانا. قازاقپارات - ق ر ۇ ق ك تەرروريزمگە قارسى ورتالىعىندا بىشكەكتە ارنايى وپەراتسيا كەزىندە ەكى قازاقستاندىقتىڭ كوزى جويىلعانى تۋرالى اقپاراتقا قاتىستى تۇسىنىكتەمە بەردى.

«جەكەلەگەن بۇقارالىق اقپارات قۇرالدارىندا قىرعىزستان رەسپۋبليكاسىنىڭ مەملەكەتتىك ۇلتتىق قاۋىپسىزدىك قىزمەتىنىڭ بىشكەك قالاسىندا جۇرگىزگەن ارنايى وپەراتسياسى بارىسىندا قازاقستان ازاماتتارى ابحين البەرت پەن ءامىروۆ جانبولاتتىڭ ولتىرىلگەنى تۋرالى اقپارات جاريالاندى.

 ق ر ۇلتتىق قاۋىپسىزدىك كوميتەتى بۇل تۇلعالار جايلى حاباردار. اتالعان ەكى ازامات باتىس قازاقستان وبلىسىندا تۇرعان، ولار راديكالدى اعىمداردىڭ ۇگىتتەۋىنىڭ ىقپالىمەن سيريا مەن يراكتاعى قارۋلى قاقتىعىستارعا قاتىسۋ ءۇشىن ەلدەن شىعىپ كەتۋگە شەشىم قابىلداعان»، دەلىنگەن حابارلامادا.

2014 - جىلدىڭ مامىر ايىندا ابحين جانە سول جىلدىڭ تامىز ايىندا ءامىروۆ قىرعىزستان جەرىنە زاڭسىز ءوتىپ، ودان ءارى شەتەلگە قاراي كەتپەك بولعان.

2014 - جىلدىڭ جازىندا ولار قىرعىز ارنايى قىزمەتتەرىمەن ۇستالىپ، قىرعىزستان اۋماعىندا شەكارادان زاڭسىز وتكەندەرى، جاساندى قۇجاتتاردى پايدالانعاندارى جانە زاڭسىز كوشى- قون ۇيىمداستىرعاندارى ءۇشىن قىلمىستىق جاۋاپكەرشىلىككە تارتىلدى. ابحين 4 جىلعا، ءامىروۆ 3 جىلعا باس بوستاندىقتارىنان ايىرىلدى.

«2015 - جىلدىڭ مامىر ايىندا ابحين مەن ءامىروۆ قونىس كولونياسىنان قاشىپ كەتكەن. ق ر ۇلتتىق قاۋىپسىزدىك كوميتەتى قىرعىزدىق ارىپتەستەرىنە قىلمىسكەرلەردى ىزدەستىرۋدە ىقپالداستىق كورسەتتى. ناتيجەسىندە ىزدەۋ سالىنعان ەكى تۇلعا تابىلدى، الايدا ۇستاۋ كەزىندە ولار قارۋلى قارسىلىق كورسەتىپ، اتىس ۇيىمداستىردى. سونىڭ سالدارىنان ولاردىڭ كوزى جويىلدى. كەيبىر ب ا ق- تاردا جاريالانعان ابحين مەن ءامىروۆتىڭ قازاقستان اۋماعىندا تەررورلىق ۇيىم قۇرىپ، ونى باسقارعانى تۋرالى اقپارات شىندىققا جاناسپايدى»، دەلىنگەن تەرروريزمگە قارسى ورتالىعىنىڭ حابارلاماسىندا.