قىتايدا كەدەيشىلىكپەن كۇرەسەتىن ماقساتتى قور قۇرىلدى

استانا. قازاقپارات - قىتاي مەن دۇنيەجۇزىلىك بانك الەمدەگى كەدەيشىلىكپەن كۇرەسۋ ءۇشىن العاشقى ماقساتتى قور قۇردى.

ونىڭ قارجىلىق الەۋەتى 50 ميلليون دوللار. اتالعان كەلىسىم-شارتقا قىتايدىڭ قارجى ءمينيسترى مەن بەيجىڭدە ىسساپارمەن جۇرگەن دۇنيەجۇزىلىك بانك باسشىسى دجيم ەن كيم قول قويدى. ماقساتتى قور جۇمىسىن بيىل باستاماق.

وسى جوبا ارقىلى ايماقتىق جانە الەمدىك دەڭگەيدە ينفراقۇرىلىمدىق جوبالار قارجىلاندىرىلىپ، ءبىلىم بەرۋ مەن ادام رەسۋرستارىن دامىتۋ سالاسىنداعى ىنتىماقتاستىققا قولداۋ جاسالادى دەگەن جوسپار بار.

www.24.kz