08:28, 17 - شىلدە 2015 | GMT +5
ۋرۋگۆاي فۋتبولى «قارا» جامىلدى
استانا. قازاقپارات - ۋرۋگۆايدىڭ اتى اڭىزعا اينالعان فۋتبولشىسى، 1950-جىلعى الەم چەمپيوناتىندا فينالداعى برازيليامەن ويىننىڭ شەشۋشى، جەڭىس گولىن سوققان السيدەس ەدگاردو گيدجا 88 جاسىندا دۇنيەدەن وزدى، دەپ جازادى شەتەلدىك ب ا ق.
سول كەزدە ريو-دە-جانەيرو قالاسىنداعى ماراكانا ستاديونىندا وتكەن فينالدىق كەزدەسۋدە ويىن بىتۋگە ون مينۋت قالعاندا ۋرۋگۆايلىق فۋتبولشى تاريحي گولىمەن قۇراما كومانداسىنىڭ ابىرويىن اسقاقتاتىپ اكەتكەن بولاتىن. گيدجا وزىمەن قاتارلاس فۋتبولشىلاردىڭ بارلىعىنان دا ۇزاق جاسادى.
ول فۋتبول سۇيەر قاۋىمنىڭ ءاردايىم ءجيى ايتاتىن: «ماراكانا» ستاديونىن ءۇش-اق ادام تىنىشتاندىرا الامىز: ريم پاپاسى، فرەنك سيناترا جانە مەن» ءسوزىنىڭ اۆتورى.
