02:23, 17 - شىلدە 2015 | GMT +5
نەيمار وزىنە ۇشاق ساتىپ الدى
استانا. قازاقپارات - «بارسەلونا» فۋتبول كلۋبىنىڭ شابۋىلشىسى نەيمار دا سيلۆا جۋنيور وزىنە ۇشاق ساتىپ الدى.
بۇل ءۇشىن ول 10 ميلليون ەۋرو جۇمساعان. نەيمار ۇشاقتى اعىمداعى جىلدىڭ ماۋسىمىندا وتكەن امەريكا كۋبوگى فينالىنىڭ الدىندا ساتىپ العان. الايدا العاشقى رەيسىن تاياۋدا عانا جاسادى. ەرەجەسىز جەكپە- جەكتى كورۋ ءۇشىن لاس- ۆەگاسقا ۇشتى. سونىمەن قاتار، ول مۇندا امەريكالىق نباليگاسىنىڭ ءۇش باسكەتبولشىسى: مايكل دجوردان، تريەۆور اريزا جانە دجەيمس حاردەنمەن كەزدەستى.
فۋتبولشىنىڭ سوزىنە قاراعاندا، وعان ۇشاق جاپونياعا ساپارعا بارۋعا (جاساسقان كەلىسىمشارتتارعا سايكەس جارنامالارعا ءتۇسۋ ءۇشىن)، ۇلتتىق قۇرامانىڭ جاتتىعۋلارىنا قاتىسۋ ءۇشىن برازيلياعا ۇشۋعا جانە جازعى دەمالىستا ساياحات جاساۋىنا كەرەك بولعان، دەپ جازدى espanarusa.com.
