زەينەتاقى قورى حالىقتىق باعدارلامالاردى قولداۋعا باعىتتالادى
بۇل تۋرالى ق ر ۇلتتىق بانكىنىڭ ءتوراعاسى قايرات كەلىمبەتوۆ ءمالىم ەتتى.
«بىزدە قازاقستاننىڭ يپوتەكالىق كومپانيالاردىڭ وبليگاتسيالارىنا قارجى سالۋ بويىنشا ناقتى جوسپارلار بار، سونىمەن قاتار حالىقتىق IPO سياقتى ءتۇرلى باعدارلامالاردى قولدايتىن بولامىز. بىزدە جوسپار بار، ءبىراق ءبىز نەگىزىنەن قارجى مينيسترلىگىنىڭ مەملەكەتتىك باعالى قاعازدارىنا قاراجات قۇيۋدى كوزدەۋدەمىز جانە ەكىنشى دەڭگەيلى بانكتەردى قولدايمىز»، - دەپ اتاپ ءوتتى ق. كەلىمبەتوۆ.
ونىڭ ايتۋىنشا، زەينەتاقى اكتيۆتەرىن ينۆەستيتسيالاۋ ارنايى كەڭەستىڭ تۇجىرىمداماسىنا ساي جۇزەگە اسىرىلادى. ارنايى قارجىلىق قۇرالدار كورسەتىلگەن. وعان قوسا، ۇلتتىق بانك باسقارماسىنىڭ ارنايى ينۆەستيتسيالىق دەكلاراتسياسى بويىنشا جۇزەگە اسىرىلادى.
2015 -جىلدىڭ 1- جارتىجىلدىعىندا ۇلتتىق بانك 560,4 ميلليارد تەڭگە زەينەتاقى اكتيۆتەرىن ينۆەستيتسيالادى.
اۆتور: جاسۇلان جولدىبايەۆ
