بولاشاقتا ءۇندى مەن كورەي تەلەحيكايالارى قازاقستاندىق تەلەارنالاردان كورسەتىلمەيدى

استانا. قازاقپارات - بولاشاقتا قازاقستاندىق تەلەارنالار ءۇندى مەن كورەي تەلەحيكايالارىن كورسەتۋ قۇقىعىنان ايىرىلادى، - دەپ جازادى "الاش ايناسى".

بۇل تۋرالى كوكشەتاۋعا بارعان ساپارىندا مادەنيەت جانە سپورت ۆيتسە-ءمينيسترى مارات ءازىلحانوۆ مالىمدەدى.

ۆيتسە-ءمينيستردىڭ سوزىنە قاراعاندا، جاقىن بولاشاقتا ءۇندى جانە كورەي سەريالدارىنىڭ ورىنىنا وتاندىق ونىمدەر كورسەتىلەدى.

«كوپشىلىك ءۇندى جانە كورەي سەريالدارىنىڭ كوپتەپ كورسەتىلەتىنىنە شاعىمدانادى. سوندىقتان وتاندىق تەلەحيكايالار مەن تەلەباعدارلامالاردىڭ ۇلەسىن ارتتىرۋىمىز كەرەك. وسىعان وراي اۋقىمدى جۇمىستار جۇرگىزىلىپ جاتىر. تاياۋدا جاڭا جوبالاردى ىسكە اسىرۋدى باستايمىز»، - دەدى مارات ءازىلحانوۆ.