استانادا «دەشتى-قىپشاق. قۇپيا بەلگىلەر» دەرەكتى فيلمىنىڭ تۇساۋكەسەرى وتەدى
سەناريدىڭ اۆتورى جانە جوبانىڭ رەجيسسەرى باقىت قايىربەكوۆ، فيلمنىڭ تەڭ رەجيسسەرى - الەكسەي كامەنسكي، دەپ حابارلانعان ق ر مادەنيەت جانە سپورت مينيسترلىگىنىڭ سايتىندا.
ХI عاسىردا قىپشاق تايپالارى بىرتىندەپ وڭتۇستىك جانە باتىس قازاقستان، پوۆولجە، كاۆكاز اۋماعىن جانە قارا تەڭىز جاعالاۋىن قامتىدى. وسىلايشا، شىڭعىسحان شاپقىنشىلىعىنا دەيىن التاي مەن ەدىل ارالىعىندا تۋىسقان تۇركى حالىقتارىنىڭ بىرىگۋى ءجۇردى. بۇل ءبىرتۇتاس قازاق حالقىنىڭ پايدا بولۋىنا الىپ كەلدى.
فيلمنىڭ ءبىرىنشى سەرياسى قىپشاقتار مەن ارميانداردىڭ ءوزارا تىعىز قارىم-قاتىناسىنا ارنالعان. ولار وزدەرىنەن كەيىن ەۋروپادا قارقىندى دامىعان قىپشاق-قۇمان-پولوۆەتس ءتىلىنىڭ 30 مىڭعا جۋىق تەڭدەسسىز تۇرمىستىق جانە اسىرەسە، ادەبي جازبا ەسكەرتكىشتەرىن قالدىردى.
فيلمنىڭ ەكىنشى سەرياسى بىرەگەي «CodexCumanicus» كىتابىنا ارنالعان. ونى قايتا ورلەۋ ءداۋىرىنىڭ كورنەكتى اقىنى فرانچەسكو پەتراركا ۆەنەتسياندىق كىتاپحاناعا 1362-جىلى سىيعا بەرگەن جانە ول ۆەنەتسياداعى مارچيانا كىتاپحاناسىندا وسى كۇنى ساقتاۋلى. «كودەكس كۋمانيكۋس» (لاتىن تىلىنەن اۋدارعاندا «قىپشاق ءتىلىنىڭ سوزدىگى») - XIV عاسىردىڭ باسىنداعى بەلگىلى قۇمان ءتىلىنىڭ (ەسكى قىپشاق) جازباشا دەرەككوزى. ول فيلولوگتار ءۇشىن عانا ەمەس، سونداي-اق تاريحشىلار ءۇشىن دە ماتەريالدارعا باي.
بۇل كىتاپتىڭ تاعدىرى جايلى قىپشاق جازبالارىنىڭ بەلگىلى زەرتتەۋشىسى الەكساندر گاركاۆەتس ايتىپ بەرەدى. ونىڭ ايتۋىنشا، بۇل عاجايىپ كىتاپتا ورتا عاسىرلارداعى ءبىزدىڭ اتا-بابالارىمىز - قىپشاقتار تىلىندەگى ءانۇراننىڭ نوتاسى ساقتالعان.
ق ر مادەنيەت جانە سپورت مينيسترلىگىنىڭ، ۇلتتىق اكادەميالىق كىتاپحانانىڭ باستاماسىمەن تۇركى مادەنيەتىنىڭ ەجەلگى ەسكەرتكىشى رەتىندە «CodexCumanicus» كىتابىن قايتا قالپىنا كەلتىرۋ جۇمىستارى جۇزەگە اسىرىلدى.
شارا قازاقستان رەسپۋبليكاسى مادەنيەت جانە سپورت مينيسترلىگى مەن قازاق مادەنيەت عىلىمي-زەرتتەۋ ينستيتۋتىنىڭ تاپسىرىسى بويىنشا وتەدى.
