ناپسىگە جيدجاب تۇگىل، قىتاي قورعانى دا بوگەت بولا المايدى

استانا. قازاقپارات - كەيىنگى كەزدەرى حيدجاب (قاتە اتاسام، كەشىرەرسىزدەر) دەگەنىڭىز قازاقتىڭ، كادىمگىدەي، باس قاتىراتىن باستى ءبىر پروبلەماسىنا اينالا باستادى.

ونىڭ ەتنوگرافيالىق تاريحىمىزدا بولماعاندىعىن دا، بۇگىنىمىز بەن كەلەشەگىمىزگە قاجەتسىزدىگىن دە، وسىدان بىرەر جىل بۇرىن، ەلباسىمىز ءوزىنىڭ تۇركىستان قالاسىنا ساپارى بارىسىندا شەگەلەپ تۇرىپ ايتقان ەدى.

ال، جالپى، ايەل بالاسىنىڭ باسكيىمى مەن وزگە دە كيىمدەرى توڭىرەگىندە ايتىلار اڭگىمەنىڭ اۋقىمى مىڭداعان جىلدار كەڭىستىگىنە سوزىلادى. مەن بۇگىن ءوزىمىزدىڭ حيدجابشىلدارعا قاراتا، ءبىر- ەكى- اق ءسوز ايتپاقپىن.

تەگىندە، ايەل بالاسىنىڭ باسىن تۇتاستاي تاسقاراڭعى تۇمشالاپ تاستاساڭىز دا، ءبارى - بەكەر، ەگەر ونىڭ ءوز بەت قىزىلى (ۇياتى) بولماسا! قازاق قىزىنىڭ «حيدجابى» - ءوزىنىڭ ار- ۇياتى. ار- ۇياتى بار ايەلدەرگە ەڭ قاتىنقۇمار ەركەكتەردىڭ ەڭ جويقىن كوز سۇعى دا وتە المايدى. ارينە، بۇل جازبامىزدى وقىپ وتىرعان ءدىندار ادامداردىڭ ىشىندەگى كەيبىر قىڭىرلارىنىڭ بىلاي دەپ تە قىرسىقتانۋى مۇمكىن: «ايەل بالاسىنىڭ حيدجابتانۋى ونىڭ ءوزى ءۇشىن ەمەس، - ەركەكتەر ءۇشىن كەرەك. ويتكەنى، ايەلدىڭ سۇلۋ ديدارىن كورگەن ەركەكتىڭ سايتانى قوزادى». وعان بىلاي دەپ جاۋاپ بەرەمىز: «سايتان» - كەز كەلگەن ەركەكتە بار.

ونىڭ «قوزۋى» ايەلدىڭ سۇلۋ جامالىنا عانا بايلانىستى ەمەس. بەت سۇلۋلىعىنان مىڭ ەسە اسىپ تۇسەتىن «قوزدىرعىشتار» دا بار تىرلىكتە. سوندىقتان، ەركەكتەر ءوز «سايتاندارىنا» وزدەرى يە بولۋ كەرەك قاشاندا. يە بولا المايتىندارعا، جيدجاب تۇگىل، قىتاي قورعانى دا بوگەت بولا المايدى!

تىنىشتىقبەك ابدىكاكىم ۇلى، facebook