استانادا مۇز سارايى قۇرىلىسىندا كوسوۆونىڭ ءۇش ازاماتى قازا تاپتى

استانا. قازاقپارات - استانادا 20 مەتر بيىكتىكتەن قۇلاعان ءۇش مونتاجداۋشى جۇمىسشى قايتىس بولىپ، تاعى ءۇش ادام اۋرۋحاناعا جەتكىزىلدى، دەپ حابارلادى بۇگىن ەلوردالىق ت ج دەپارتامەنتىنىڭ باسپا ءسوز قىزمەتى.

«بۇگىن 13 -شىلدەدە ساعات 11:04 تە ەسىل اۋدانىندا سالىنىپ جاتقان «استانا قالاسى كوپبەيىندى مۇز سارايى» قۇرىلىسىندا جۇمىس جۇرگىزۋ بارىسىندا «Mabco Construction S.A.» فيرماسىنىڭ استانالىق فيليالىنىڭ 6 مونتاجداۋشىسى (بولجاممەن كوسوۆو رەسپۋبليكاسىنىڭ ازاماتتارى) 20 مەتر بيىكتىكتەن قۇلاپ كەتتى»، - دەلىنگەن حابارلامادا.

ت ج د اقپاراتىندا ولاردىڭ ەسىمى اتالعان. ءۇش ادام اۋىر جاراقات سالدارىنان قازا تاپتى: بلەرين كادريۋ (1981 ج. ت. )، بەكيم دۋرميش (كىم ەكەنى انىقتالۋدا)، ازيالىق بەت-ءپىشىمدى 40-45 جاستاعى ەر ادام (كىم ەكەنى انىقتالۋدا).

استانا قالاسى №2 -اۋرۋحاناعا جاراقاتپەن جاتقىزىلعاندار: اۆجي ماكسۋتي (1979 ج. ت. )، بيكولي يسۋف (1956 ج. ت. )، 35-40 جاستاعى ەر ادام (كىم ەكەنى انىقتالۋدا).