بۇگىن قازاقستاننىڭ باسىم بولىگىندە قاتتى ىستىق بولادى
كەي جەرلەردە نايزاعايلى جاڭبىر جاۋىپ، جەل كۇشەيەدى. قازاقستاننىڭ قالعان تەرريتورياسىندا اۋا رايى جاۋىن-شاشىنسىز بولادى.
بۇل تۋرالى قازگيدرومەت حابارلادى. اقمولا، باتىس قازاقستان، سولتۇستىك قازاقستان وبلىستارىنىڭ، كۇندىز پاۆلودار وبلىسىنىڭ كەي جەرلەرىندە نايزاعاي باقىلانادى، جەل 15-20 م/س كۇشەيەدى، تۇندە جانە تاڭەرتەڭ سولتۇستىك قازاقستان وبلىسىنىڭ كەي جەرلەرىندە تۇمان بايقالادى.
ماڭعىستاۋ وبلىسىنىڭ كەي جەرلەرىندە نايزاعاي باقىلانادى، كۇندىز جەل 15-20 م/س كۇشەيەدى. اقتوبە وبلىسىنىڭ كەي جەرلەرىندە جەل 15-20 م/س كۇشەيەدى. قوستاناي وبلىسىندا تۇندە كەي جەرلەرىندە، كۇندىز باسىم بولىگىندە جەلدىڭ ەكپىنى 15-20 م/س كۇشەيەدى، تۇندە جەكەلەگەن اۋداندارىندا نايزاعاي باقىلانادى.
الماتى، جامبىل، وڭتۇستىك قازاقستان، قىزىلوردا، پاۆلودار، قاراعاندى وبلىستارىندا، اقمولا، قوستاناي وبلىستارىنىڭ كەي جەرلەرىندە كۇندىز قاتتى ىستىق كۇتىلەدى. اقتوبە، قىزىلوردا، وڭتۇستىك قازاقستان، جامبىل وبلىستارىنىڭ باسىم بولىگىندە، اتىراۋ، باتىس قازاقستان، قاراعاندى، الماتى، شىعىس قازاقستان وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.
