ءولىم جازاسىنا كەسىلگەنىنە قاراماستان، سارنايەۆتىڭ ۇستىنەن جاڭا ءىس قوزعالدى
امەريكالىق ميددلسەكس وكرۋگىنىڭ پروكۋراتۋراسى اعايىندى سارنايەۆتارعا لاڭكەستىكتەن كەيىن قىلمىسكەرلەردىڭ ىزىنە تۇسكەن پوليتسەي شونا كولەنى ءولتىردى دەگەن كۇدىك تاعىپ وتىر.
قازىر دجوحار سارنايەۆ كولورادو شتاتىنداعى ەرەكشە رەجىمدەگى تۇرمەدە جاتىر. ولكەلىك پروكۋرور مەريان رايان تەرگەۋ شارالارىن جۇرگىزۋ ءۇشىن سارنايەۆتى ماسساچۋسەتس شتاتىنا قايتارۋدى جوسپارلاۋدا. پروكۋرور حابارلاعانداي، قازىرگى ۋاقىتتا فەدەرالدىق ۇكىمەتكە ساۋال ازىرلەنۋدە.
قۇقىق سالاسىنداعى ساراپشىلار فەدەرالدىق سوت ءولىم جازاسىنا كەسكەن جازاسىن وتەۋشىگە جەرگىلىكتى بيلىك قوسىمشا ايىپ تاققان جاعدايدى بۇرىن- سوڭدى كەزدەستىرمەگەنىن ايتادى، دەپ حابارلادى ر ي ا نوۆوستي.
الايدا ميددلسەكس پروكۋرورلارى 21 جاستاعى سارنايەۆ اسا اۋىر قىلمىسقا ايىپتى رەتىندە سوت الدىندا جاۋاپ بەرۋى ءتيىس دەپ سانايدى.
