جامبىل وبلىسى اسىل تۇقىمدى مال شارۋاشىلىعى بويىنشا كوش باستاپ تۇر

تاراز. قازاقپارات - قازاقستاندا مال شارۋاشىلىعىندا اسىل تۇقىمدى مال شارۋاشىلىعىن دامىتۋدا جامبىل وبلىسى كوش باستاپ تۇرعان وڭىرلەردىڭ ءبىرى بولدى، - دەپ حابارلادى ءوڭىردىڭ اۋىل شارۋاشىلىعى باسقارماسىندا.

2015-جىلدىڭ باسىندا وبلىس شارۋاشىلىعىنىڭ بارلىق ساناتىندا اسىل تۇقىمدى ءى ق م ۇلەس سالماعى 19 پايىزدى (رەسپۋبليكا بويىنشا 9,7 پايىز) قۇرايدى.

جامبىل وبلىسى اسىل تۇقىمدى قوي (23,5 پايىز، ەل بويىنشا 14 پايىز)، تۇيە - (29, 1 پايىز، 12,2 پايىز) ءوسىرۋ بويىنشا قاراعاندى وبلىسىنان كەيىن ەكىنشى ورىندا.

اسىل تۇقىمدى جىلقى (23,4 پايىز، ەلدە 7,6) ءوسىرۋ بويىنشا ەل وڭىرلەرى اراسىندا كوش باسىندا. وتكەن جىلى جامبىلدىق اگراريا قازاقتىڭ «جابى» تۇقىمدى 200 گە جۋىق جىلقىسىن ساتىپ الدى.

ەلدەگى 600 گە جۋىق شارۋاشىلىق قوجالىقتارى «سىباعا»، «التىن اسىق» جانە «قۇلان» باعدارلاماسىنىڭ اياسىندا اسىل تۇقىمدى مالداردى بەلسەندى ساتىپ الۋدا.

وبلىستىق اۋىل شارۋاشىلىعى باسقارماسىنىڭ دەرەكتەرىنە سۇيەنسەك، جامبىل وبلىسىنىڭ مال شارۋاشىلىعىندا مالدىڭ بارلىق ءتۇرىنىڭ ءوسىمى بايقالادى. ەت ءوندىرىسى 8,3 پايىزعا، ءسۇت 2,1 پايىزعا ءوستى. وڭىردە 13 جاڭا ءسۇت فەرماسى، 30 مىڭ مال باسىنا ارنالعان ەكى ءىرى بورداقىلاۋ الاڭى، 5 مىڭ مالعا ارنالعان ەكى رەپرودۋكتور جۇمىس ىستەۋدە. جەم-شوپپەن قامتاماسىز ەتۋ دەڭگەيى 120 پايىزعا ارتتى.

اسىل تۇقىمدى مال شارۋاشىلىعىن سۋبسيديالاۋعا، سەلەكتسيالىق-تۇقىمدىق جۇمىستاردى جۇرگىزۋگە بيىل جەرگىلىكتى بيۋدجەتتەن 1,6 ميلليارد تەڭگە ءبولىندى. ەت جانە ءسۇت ونىمدەرى ءوندىرىسىن سۋبسيديالاۋعا - 784 ميلليون تەڭگە ءبولىندى. بۇدان باسقا، ق ر ۇلتتىق قورىنان مال شارۋاشىلىعىن قولداۋعا قوسىمشا 226 ميلليون تەڭگە ءبولىندى.

باسقارمادا حابارلاعانداي، وڭىردە ەت، ءسۇت، جۇمىرتقا، قىمىز، شۇبات وندىرىسىمەن اينالىساتىن ءتۇرلى دەڭگەيدەگى شارۋاشىلىقتار سۋبسيديالانۋدا. ءىرى شارۋاشىلىقتاردىڭ ىشىندە مەركە اۋدانى «ولجا»، قورداي اۋدانىندا «باينۇر» مەن «مەدەت»، جۋالى اۋدانىندا «گامبۋرگ» ج ش س بار.