ق ر ق م: اسكەري جۋرناليستەردى دايىنداۋ بويىنشا العاشقى تاجىريبەلىك سەمينار اياقتالدى - فوتو

استانا. قازاقپارات - قاراعاندى وبلىسىنا قاراستى «سپاسسك» وقۋ-جاتتىعۋ ورتالىعىندا بيىلعى جىلى قازاقستاننىڭ قورعانىس مينيسترلىگىندە ءبىرىنشى رەت وتكىزىلىپ وتىرعان جۋرناليستەرگە ارنالعان «اسكەري ديسكۋرس» ەرەكشە تاجىريبەلىك سەمينارى اياقتالۋعا جاقىن قالدى.

قورعانىس مينيسترلىگى باسپا ءسوز قىزمەتىنىڭ حابارلاۋىنشا، بۇگىن، 10- شىلدەدەگى قورىتىندى كۇنى جۋرناليستەرگە العاشقى مەديتسينالىق كومەك كورسەتۋ نەگىزدەرى، قازاقستاندىق ارميانىڭ جاراقتاندىرۋىنداعى قارۋ كورمەسى كورسەتىلدى. سونداي-اق پوليگوندا جاۋىنگەرلىك قارۋدان كورسەتىلىمدى وق اتۋلار ۇيىمداستىرىلدى. وسى وقيعانىڭ سوڭعى نۇكتەسى پەينتبول ويناۋ بولدى. ول جۋرناليستەر مەن ق ر ق م ارنايى بولىمشەلەرىنىڭ اسكەري قىزمەتشىلەرىنەن قۇرالعان ەكى كوماندا اراسىندا ءوتتى.

پراكتيكالىق سەميناردى قورىتىندىلاي وتىرىپ، ءۇش كۇن ىشىندە جەتەكشى تەلەارنالاردىڭ، راديوستانتسيالاردىڭ، رەسپۋبليكالىق گازەتتەر مەن جۋرنالداردىڭ، اقپاراتتىق اگەنتتىكتەردىڭ جۋرناليستەرى «ىستىق نۇكتەلەردە» جۇمىس ىستەۋگە قاتىستى جانە اسكەري وقيعالاردى جارىققا شىعارۋ ەرەكشەلىكتەرى تۋرالى كوپ تىڭ جاڭالىق الدى. ولار شارتتى سودىرلاردىڭ اۆتوموبيلدى لەگىنە كەنەتتەن شابۋىل جاساۋ كەزىندە كەپىل رەتىندە بولدى، ارنايى ماقساتتاعى جاۋىنگەرلەرمەن بىرگە زاڭسىز باندقۇرالىمداردىڭ وكىلدەرى ورنالاسقان ەلدى مەكەندى تازارتۋعا قاتىستى، قارۋدىڭ جانە جارىلعىش زاتتاردىڭ كەيبىر تۇرلەرى، قاۋىپسىزدىك شارالارى، ارتيللەريا جانە گراناتا اتقىشتارمەن اتىپ ءوتۋ كەزىندە ءوزىن-ءوزى ۇستاۋ قاعيدالارى، مينالىق الاڭداردى اينالىپ ءوتۋ ادىستەرى تۋرالى مالىمەت الدى.