12:17, 10 - شىلدە 2015 | GMT +5
اسا اۋىر سالماقتاعى قازاق بالۋانى الەم رەيتينگىندە العاشقى بەستىككە ەندى
استانا. قازاقپارات - گرەك-ريم ستيلىندەگى كۇرەستەن جاڭارتىلعان UWW الەمدىك پالۋاندار رەيتينگى شىقتى، دەپ حابارلادى Sports.kz.
رەيتينگ تىزىمىندە التى قازاقستاندىقتىڭ ەسىمى بار:
59 كەلىدە ونەر كورسەتەتىن المات كەبىسپايەۆ - 19- ورىندا. دەمەۋ جادىراليەۆ (66 كەلى) - 12- ورىندا جانە تاعى ءبىر وسى سالماق وكىلى ايبەك ەڭسەحانوۆ - 17- ورىندا.
ال اسحات دىلمۇحامەدوۆ (80 كەلى) - 14- ورىندا بولسا، 85 كەلىدە كۇرەسەتىن نۇرسۇلتان تۇرسىنوۆ - 19- ورىندا.
جەرلەستەرىمىزدىڭ اراسىندا ەڭ ۇزدىك كورسەتكىش 130 كەلى سالماقتا كۇرەسىپ جۇرگەن نۇرماحان تىناليەۆتىڭ ەنشىسىندە. ول 5- ورىندا تۇر.
