ە ا ە و ۇلى جىبەك جولى ەكونوميكاسىنىڭ تۇلەۋىندە ماڭىزدى بۋىنعا اينالۋدا
«سىرتقى ەكونوميكالىق بايلانىستاردى كەڭەيتۋ، ايماقتىق ىقپالداستىقتى دامىتۋ، كولىك قاتىناستارىنىڭ الەمدىك جۇيەسىنە كىرۋ ءبىزدىڭ ەلدەرىمىز دامۋى بولاشاعىنىڭ نەگىزى، سوندىقتان دا باسىمدىقتى باعىت، ءبىزدىڭ كوزقاراسىمىزشا، ترانسايماقتىق ىنتىماقتاستىقتى دامىتۋ قاجەت. قازىرگى زامانعى ترەندتەرگە سايكەس، ە ا ە و باتىس پەن شىعىستىڭ اراسىنداعى ءبىر- ءبىرىن تولىقتىراتىن ىنتىماقتاستىقتى دامىتۋدىڭ جاڭا كەزەڭى رەتىندە ۇلى جىبەك جولى ەكونوميكاسىن دامىتۋدىڭ وزەكتى بۋىنىنا اينالىپ كەلەدى. بۇل ورايدا شىۇ ۇدەرىسى سەنىمسىزدىكتى ەڭسەرۋگە قۋاتتى سەرپىن بەردى»، دەدى ن. نازاربايەۆ.
مەملەكەت باسشىسى اتاپ وتكەندەي، قىسقا ۋاقىت ولشەمى ىشىندە شانحايلىق رۋح ەۋرازيانىڭ جاڭا سيمۆولىنا اينالدى.
«قازىردىڭ وزىندە ە ا ە و مەن ش ى ۇ تىعىز ديالوگى بولاشاقتا كەڭ اۋقىمدى ترانسقۇرلىقتىق ىنتىماقتاستىقتى باستاۋعا قولايلى نەگىز قالاۋدا. كولبەۋ كولىك كۇرەجولىن (ەۋرازيالىق ەكونوميكالىق وداق، ش ى ۇ) جانە تىك كولىك كۇرەجولىن (بريكس) جالعاستىرۋ ساۋدانىڭ سەرپىندى سىلكىنىسىنە قابىلەتتى. بولاشاقتا بۇنى ءبىزدىڭ اۋماعىمىزداعى ورتاق بىرلەستىك جانە ورتاق ەركىن ايماق رەتىندە قاراستىرۋعا بولادى»، - دەدى مەملەكەت باسشىسى.
