17:36, 10 - شىلدە 2015 | GMT +5
قولشاتىردىڭ جاڭا ءتۇرى پايدا بولدى - كەسكىن
استانا. قازاقپارات - اۆياتسيا ينجەنەرى جەنان كازيم (Jenan Kazim) كازبرەللا (KAZbrella) قولشاتىرىن جاساپ شىعارۋ ءۇشىن 10 جىل ۋاقىتىن جۇمساعان.
ول 3000 جىلدىق تاريحى بار قاراپايىم قولشاتىردىڭ ەڭ باستى ماسەلەسىن شەشكەن. وسىعان دەيىن كوپتەگەن ينجەنەر وسى تاراپتا جۇمىس ىستەسە دە، اۋىز تولتىرىپ ايتارلىقتاي ناتيجەگە قول جەتكىزە الماعان ەدى.
جەنان كازيم قولشاتىردى جيناۋ كەزىندە ادامداردىڭ سۋ بولماۋىن باستى نازارعا الىپ، ونى كەرىسىنشە جينالاتىنداي ەتىپ جاساعان. بۇگىندە كازيم قۇرىلعىنى رەسمي پاتەنتتەپ ۇلگەردى. ءتۇرلى ءوندىرىس ورىندارى كازبرەللانى مىڭداپ شىعارۋدا. بۇل قولشاتىر قازىرگى تاڭدا كەڭىنەن سۇرانىسقا يە. سونىمەن قولشاتىردىڭ جاڭا جەتىلدىرىلگەن ءتۇرى قالاي جۇمىس ىستەيتىنىن بىرگە تاماشالايىق.
