قوستانايدا ەكى پوليتسەي ازاپتاۋ ءىسى بويىنشا ايىپتالىپ وتىر
قوستاناي سوتىنا قوستاناي وبلىسى ءى ءى د ءى ءى ب وڭتۇستىك ءبولىمىنىڭ 1989 جانە 1990 -جىلدارى تۋىلعان اعا لەيتەنانتتارىنا قاتىستى قىلمىستىق ءىس كەلىپ ءتۇستى. ولار جابىرلەنۋشىلەردى قاساقانا فيزيكالىق جانە پسيحيكالىق تۇردە ازاپتادى دەپ ايىپتالىپ وتىر.
ايىپتاۋ اكتىسىنە سايكەس، قۇقىق قورعاۋ ورگاندارىنىڭ قىزمەتكەرلەرى الدىن الا كەلىسىم بويىنشا 2014-2015 -جىلدار ارالىعىندا جابىرلەنۋشىلەردەن قوستاناي وبلىسى اۋماعىندا اۆتوموبيل اككۋمۋلياتورلارىن ۇرلادى دەلىنگەن جاۋاپ الۋ ماقساتىندا ولاردى ازاپتاعان.
«ولار «بىرنەشە رەت ازاپتاۋ» بابى بويىنشا قىلمىستىق ءىس جاساعان. قىسقارعان تارتىپتە باستى سوت وتىرىسى 14 شىلدەدە ساعات 10.00-دە بولادى»، - دەپ جازىلعان قوستاناي وبلىسى سوتىنىڭ باسپا ءسوز حابارلاماسىندا.
ەسكە سالا كەتەيىك، 2014 -جىلدىڭ اقپانىندا الماتىدا ەكى پاترۋل قىزمەتكەرى ەر ادام ونىڭ ايەلىن ۇرىپ- سوققانى ءۇشىن بەس جىلعا باس بوستاندىعىنان ايىرىلعان بولاتىن. 2013 -جىلدىڭ كۇزىندە نيكولاي بەيىسوۆ ايەلى جاننامەن بىرگە ءوز ۇيىندە دوستارىن قارسى العان. ءتۇن ورتاسىندا قوناقتاردى ۇيىنە جەتكىزىپ تاستاۋ ءۇشىن بەيىسوۆ تاكسي شاقىرتادى، ءبىراق كەيىن تاكسيدىڭ قىزمەتىنەن باس تارتىپ، دوستارىن ءوز كولىگىمەن اپارىپ تاستاۋدى ۇيعارادى. شاقىرتقان ايىبى ءۇشىن تاكسيگە 500 تەڭگە تولەيدى.
ءبىراق جۇرگىزۋشى بۇعان رازى بولماي، جانجال شىعارادى. كوپ ۇزاماي پاترۋل پوليتسەيلەرى پايدا بولىپ، بەيىسوۆتىڭ ۇيىنە كىرىپ ونى ساباپ تاستايدى. جابىرلەنۋشىنىڭ توعىز قابىرعاسى سىنىپ، وكپەسى جىرتىلعان. ال پوليتسەيلەر بولسا، ءوز جاۋاپتارىندا سول كەزدە ولاردىڭ ءبىرى كەپىلگە الىنعانىن ايتادى. سول سەبەپتى كومەك شاقىرىپ، شارا قولدانۋعا تۋرا كەلگەن.
