الەمدەگى عاجايىپ جەراستى جولدارى- فوتو
1. نورۆەگيا استاناسى وسلونى بەرگەنيا قالاسىنا قوسۋ ءۇشىن سالىنعان 24.5 شاقىرىم جەراستى جولى الەمدەگى ەڭ ۇزدىك سانالادى. ونىڭ قۇرىلىسى 1995 - جىلى باستالعان. 2000 - جىلى پايدالانۋعا بەرىلگەن. ول تاڭعاجايىپ جارىقتاندىرۋمەن قاتار، اۋا الماستىرعىشپەن جابدىقتاندىرىلعان.
2. «بيرمينگەمنىڭ قوساق كەمپىرى» دەپ اتالاتىن جەراستى جولى. امەريكالىق ساۋلەتشى بيلل فيتتسگيببوننىڭ ماقساتى - قالانىڭ كوشەلەرىن جارىقپەن بەزەندىرۋ. ول ويى الاباما شتاتىنىڭ بيرمينگەم قالاسىنىڭ 18 كوشەسىندە ىسكە اسقان كورىنەدى. ونى ءوز قولىمەن بەزەندىرگەن. سونداي- اق 250 جارىق ءتۇرى جۇمسالعان.
3. قىتايدىڭ حەنان ايماعىنىڭ تايحانشان تاۋىنداعى گۋوليان دەپ اتالاتىن جول. وندا ءومىر سۇرەتىن ادامداردىڭ سىرتپەن بايلانىس جاساۋى وتە قيىنعا تۇسكەن. 1972 - جىلى قىستاققا جول سالىنعان. ءسويتىپ، قىستاق تۇرعىندارىنا سىرتقى ورتامەن ارالاسۋعا مۇمكىندىك تۋعان. ونىڭ ۇزىندىعى - 1,2 شاقىرىم، ەنى 3,5 مەتر. وعان «قاتەلەسۋگە بولمايتىن جول» دەپ اتاۋ بەرىلگەن.
4. اۆستراليانىڭ بريسبەن جەراستى جولى. ورماننىڭ الىپ جاپىراقتارى بەينەسىندەگى تاستان سالىنعان جول. جول تۇندە ءتۇرلى- ءتۇستى رەڭ بەرىپ تۇرادى ەكەن. ال كۇندىز كۇننەن ەش ايىرماسى جوق.
5. امەريكانىڭ Sequoia National Park ۇلتتىق پاركىندەگى قۇلاعان اعاشتان جاسالعان اۆتوجول.
6. جىل سايىن ءداستۇر بويىنشا، اۆستراليانىڭ سيدنەي قالاسىندا شىلدە ايىنىڭ باسىندا Vivid Sydney اتتى جارىقتاندىرىلعان مۋزىكالىق قويىلىم ءوتىپ تۇرادى. وعان قالانىڭ ءبىرقاتار ءىرى ۇيىم- مەكەمەلەرى، جەراستى جولدارى دا ساحنا بولادى.
7. گەرمانيانىڭ تابيعي قۋىس جولى. گەرمانيانىڭ بونەر قالاسىندا كۇن جىلىنىپ، اعاشتار گۇلدەي باستاعاندا ادامداردا بارعىسى كەلىپ تۇراتىن مەكەن. ءبىراق بۇل كەرەمەت ءسات بار بولعانى 7-10 تاۋلىك جالعاسادى.
8. شاڭحاي مەتروسىنداعى گالەرەيالىق جەراستى (قۋىس) جولى.
شاڭحاي قالاسىنىڭ مەترو باسقارماسى بۇل جەراستى جولىن تۇتاستاي ارت- گالەرەيا جاساۋدى ويلاستىرعان. جەراستى جولىن ءتۇرلى- تۇسكە بوياپ، ءارتۇرلى جارىقتارمەن بەزەندىرىلگەن. مۇندا ۇنەمى باياۋ مۋزىكا ويناپ تۇرادى.
9. ەۋروپانىڭ Frejus Rail Tunne جەراستى جولى. بۇل ەۋروپاداعى ءالپى تاۋىن ۇڭگىپ تەسىپ، يتاليا مەن فرانسيانى بايلانىستىرعان اۆتو جانە تەمىر جولعا ارنالعان جەراستى قۋىسى. 1871 - جىلى «تۋرين- مودان» تەمىر جولىن سالعاندا پايدا بولعان.
10. يلليون تەحنيكالىق ۋنيۆەرسيتەتىنىڭ تەمىر جولى. ءبىر قاراعاندا، تەمىر مۇرجا سياقتى بولىپ كورىنەدى. ۇزىندىعى 160 م. سونىمەن قاتار بۇل تۋننەل وتاربانىڭ دىبىسىنان، دىرىلىنەن گۇرىلىنەن، ۋ- شۋدان ماڭايىنداعى ادامداردى، قۇرىلىستى، ت. ب. زاتتاردى قورعاپ تۇراتىن ەرەكشەلىگى بار.
«ايقىن»
