ق ر پرەزيدەنتى ۋفادا ش ى ۇ جانە ب ر ي ك س سامميتتەرىنە قاتىسادى

ۋفا. قازاقپارات - بۇگىن ۋفادا رەسەيدىڭ توراعالىعىمەن ەكى بىردەي فورۋم - شاڭحاي ىنتىماقتاستىق ۇيىمى مەن ب ر ي ك س سامميتتەرى جۇمىسىن باستادى، دەپ حابارلايدى قازاقپارات ءتىلشىسى.

فورۋمداردىڭ باعدارلاماسى بويىنشا شاعىن جانە كەڭەيتىلگەن قۇرامدا كەلىسسوزدەر وتكىزۋ جوسپارلانعان. مەملەكەت باسشىلارى الەمدەگى وزەكتى ماسەلەلەردى، سونىڭ ىشىندە ۋكراينا مەن گرەكياداعى احۋالدى تالقىلايدى، سونداي- اق كۇن تارتىبىندە دايش تەرروريستىك ۇيىمىمەن كۇرەس پروبلەماسى دا بار.

 بۇدان بولەك، ينۆەستيتسيالىق جوبالاردى بىرلەسىپ قارجىلاندىرۋ، ساۋدا- ەكونوميكالىق بايلانىستاردى كەڭەيتۋ، حالىقارالىق ەكونوميكالىق احۋالدى ساۋىقتىرۋ ماسەلەلەرى قارالادى. ق ر پرەزيدەنتى نۇرسۇلتان نازاربايەۆ ەرتەڭ ش ى ۇ سامميتىنە قاتىسادى، ال بۇگىن ب ر ي ك س سامميتىنە شاقىرىلعان مارتەبەلى مەيمان رەتىندە قاتىسۋدا. سونداي- اق ەلباسى ۋفادا ءبىرقاتار ەكىجاقتى كەزدەسۋلەر وتكىزەدى دەپ كۇتىلۋدە.

اتالعان شارالار 10 - شىلدەگە دەيىن جالعاسادى. كەزدەسۋلەردىڭ قورىتىندىسى بويىنشا مەملەكەت باسشىلارى ءبىرقاتار قۇجاتتارعا قول قويادى دەپ جوسپارلانعان. اتاپ ايتقاندا، ب ر ي ك س ءسامميتىنىڭ قاتىسۋشىلارى ۋفا دەكلاراتسياسى مەن ءىس- قيمىل جوسپارىن قابىلدايدى.

ش ى ۇ ءسامميتىنىڭ نەگىزگى تاقىرىپتارىنىڭ ءبىرى - ۇيىمعا جاڭا مۇشەلەردىڭ قوسىلۋى، سونىڭ ىشىندە ءۇندىستان مەن پاكىستان، كەيىن يراننىڭ ش ى ۇ- عا مۇشە اتانۋ مۇمكىندىگى قارالادى. سامميتتەرگە قاتىسۋ ءۇشىن ەۋرازيالىق ەكونوميكالىق وداق ەلدەرىنىڭ باسشىلارى شاقىرىلعان.

ايتا كەتۋ كەرەك، باشقۇرت ەلىنىڭ استاناسىنا اۋقىمدى شارادان حابار تاراتۋ ءۇشىن الەمنىڭ تۇكپىر- تۇكپىرىنەن 1 مىڭنان استام ب ا ق وكىلى كەلدى.

 ەستەرىڭىزگە سالا كەتەيىك، ب ر ي ك س مۇشەلەرى - برازيليا، رەسەي، ءۇندىستان، قىتاي، وڭتۇستىك افريكا رەسپۋبليكاسى. شاڭحاي ىنتىماقتاستىق ۇيىمىنا قازاقستان، ر ف، ق ح ر، قىرعىز رەسپۋبليكاسى، تاجىكستان جانە وزبەكستان مۇشە. سونىمەن قاتار ءۇندىستان، پاكىستان، يران، موڭعوليا جانە اۋعانستان باقىلاۋشى مارتەبەسىنە يە. بيىلعى جىلى رەسەي فەدەراتسياسى ەكى ۇيىمعا دا ءتوراعالىق ەتۋدە.