ەلباسى قازاقستاندىق عارىشكەر- سىناۋشى ايدىن ايىمبەتوۆتى قابىلدادى

استانا. قازاقپارات - مەملەكەت باسشىسى نۇرسۇلتان نازاربايەۆ قازاقستاندىق عارىشكەر- سىناۋشى ايدىن ايىمبەتوۆتى قابىلدادى. بۇل تۋرالى اقوردانىڭ باسپا ءسوز قىزمەتىنەن حابارلادى.

كەزدەسۋگە پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى نۇرلان ەرمەكبايەۆ پەن ينۆەستيتسيالار جانە دامۋ مينيسترلىگى ايروعارىش كوميتەتىنىڭ ءتوراعاسى تالعات مۇسابايەۆ تا قاتىستى.

قازاقستان پرەزيدەنتىنە ا. ايىمبەتوۆتىڭ شتاتتىق رەجىم بويىنشا حالىقارالىق عارىش ستانساسىنا ۇشۋعا دايىندىعىنىڭ بارىسى جونىندە حابارلاندى.

ا. ايىمبەتوۆ ءوزىنىڭ بارلىق قاجەتى تەستەر مەن ەمتيحانداردى ءساتتى تاپسىرعانىن ايتتى.

 كەزدەسۋ قورىتىندىسى بويىنشا مەملەكەت باسشىسى عارىش قىزمەتى سالاسىنا قاتىستى ءبىرقاتار ناقتى تاپسىرما بەردى.