07:59, 08 - شىلدە 2015 | GMT +6
ۆنۋكوۆوداعى ۇشاقتى مىڭداعان ارا جاۋلاپ الدى
استانا. قازاقپارات - ماسكەۋلىك ۆنۋكوۆو اۋەجايىندا ارالار Airbus-319 جولاۋشىلار ۇشاعىن جاۋلاپ الدى، دەپ حابارلادى LifeNews اۋەجاي قىزمەتكەرلەرىنە سىلتەمە جاساپ.
ۇشاق ۇشۋعا دايىن بولعان كەزدە قاناتىنىڭ استىنان مىڭداعان جاندىك ۇشىپ شىعىپ، يلليۋميناتورلاردى جاۋىپ تاستادى.
ارالار بورت سالونىنا كىردى دەگەن كۇدىكپەن جەدەل- جاردەمنىڭ ەكى بريگاداسىن شۇعىل شاقىرتقان اۋەجاي قىزمەتكەرلەرى وقيعا ورنىنا جەتتى.
ارالار قۋىلىپ، ۇشاق پەتەربورعا كەشىگىپ ۇشقان.
