ءۇندىستان پرەمەرى قازاقستاننىڭ قالىپتاسۋى مەن قارقىندى دامۋىنداعى ن. نازاربايەۆتىڭ كوشباسشىلىعىن اتاپ ءوتتى

استانا. قازاقپارات - قازاقستان پرەزيدەنتى نۇرسۇلتان نازاربايەۆتىڭ تۋعان كۇنىنە بايلانىستى ءۇندىستان پرەمەر- ءمينيسترى نارەندرا مودي قۇتتىقتاۋ جەدەلحاتىن جولدادى.

بۇل تۋرالى اقوردانىڭ باسپا ءسوز قىزمەتى حابارلادى.

ن. مودي قازاقستاننىڭ قالىپتاسۋى مەن قارقىندى دامۋىنداعى نۇرسۇلتان نازاربايەۆتىڭ كوشباسشىلىعىن اتاپ وتكەن.

«ءۇندىستان ەكى ەل اراسىنداعى قارىم- قاتىناستى نىعايتۋعا ءسىزدىڭ ۇدايى كورسەتىپ كەلە جاتقان قولداۋىڭىزدى جوعارى باعالايدى»، - دەلىنگەن جەدەلحاتتا.

ءۇندىستان پرەمەر- ءمينيسترى قازاقستان پرەزيدەنتىمەن استانادا وتەتىن الداعى كەزدەسۋدى تاعاتسىزدانا توسۋدا ەكەنىن ايتادى.

سوڭىندا ن. مودي نۇرسۇلتان نازاربايەۆقا مىقتى دەنساۋلىق، سارقىلماس كۇش- قۋات جانە تابىس تىلەدى.