ق ر پرەزيدەنتىنىڭ اتىنا شەتەلدىك مەملەكەت جانە ۇكىمەت باسشىلارىنان قۇتتىقتاۋلار لەگى جالعاسۋدا
بۇل تۋرالى اقوردانىڭ باسپا ءسوز قىزمەتى حابارلايدى.
ارمەنيا پرەزيدەنتى سەرج سارگسيان ءوز قۇتتىقتاۋىندا قازاق-ارميان ىقپالداستىعى ەكىجاقتى فورماتتا، سونداي-اق حالىقارالىق جانە وڭىرلىك ۇيىمدار مەن بىرلەستىكتەر اياسىندا قازاقستان- ارمەنيا حالىقتارىنىڭ دوستىعى مەن يگىلىگى ءۇشىن الداعى ۋاقىتتا دا دامي بەرەتىنىنە سەنىم بىلدىرگەن.
س. سارگسيان مەملەكەت باسشىسىنا مىقتى دەنساۋلىق، باقۋاتتىلىق جانە قىزمەتىنە تابىس تىلەدى.
***
ۋكراينا پرەزيدەنتى پەتر پوروشەنكو مەملەكەت قۇرۋ جولىندا ءبىزدىڭ ەلدىڭ سوڭعى ونداعان جىلداردا قول جەتكىزگەن ءتۇرلى سالاداعى جەتىستىكتەرى نۇرسۇلتان نازاربايەۆتىڭ قازاقستان پرەزيدەنتى لاۋازىمىنداعى كوپ قىرلى قىزمەتىمەن اجىراعىسىز بايلانىستى ەكەنىن اتاپ وتكەن.
«ءداستۇرلى ۋكراينا-قازاقستان دوستىق قارىم-قاتىناسىن تەرەڭدەتە تۇسۋگە باعىتتالعان ءبىزدىڭ سىندارلى ديالوگىمىزدىڭ بۇدان ءارى ورىستەۋى ءوزارا ءتيىمدى جانە جان-جاقتى ىنتىماقتاستىقتى ۋكراينا مەن قازاقستاننىڭ يگىلىگى ءۇشىن جانداندىرا تۇسۋگە سەپتىگىن تيگىزەتىنىنە سەنىمدىمىن»، - دەلىنگەن جەدەلحاتتا.
سوڭىندا پ. پوروشەنكو مەملەكەت باسشىسىنا مىقتى دەنساۋلىق، سارقىلماس كۇش-قۋات، جەمىستى مەملەكەتتىك قىزمەتىنە جاڭا تابىس، ال دوستاس قازاقستان حالقىنا يگىلىك پەن باق-بەرەكە تىلەدى.
***
جاپونيا پرەمەر-ءمينيسترى سيندزو ابە نۇرسۇلتان نازاربايەۆتى تۋعان كۇنىمەن قۇتتىقتاپ، ونىڭ پارمەندى باسشىلىعىمەن قازاقستان كوپتەگەن جىلدار بويى ءوزىنىڭ حالىقارالىق ارەناداعى بەدەلىن ارتتىرىپ كەلە جاتقانىن اتاپ وتكەن.
س. ابە مەملەكەت باسشىسىنا جانە قازاقستان حالقىنا يگىلىك پەن باق-بەرەكە تىلەدى.
***
موناكو كنيازى II البەردىڭ قۇتتىقتاۋىندا ەكى ەل اراسىنداعى بايلانىستىردى ودان ءارى نىعايتۋدىڭ ماڭىزدىلىعى ايتىلعان.
«ميلانداعى كورمەدە قازاقستاننىڭ ۇلتتىق پاۆيلونىندا بولۋ مەنى وتە جاقسى اسەرگە بولەدى، استانادا وتەتىن ەكسپو-2017 دۇنيەجۇزىلىك كورمەسىنە موناكو كنيازدىگىنىڭ قاتىسۋىن تاعاتسىزدانا كۇتىپ ءجۇرمىن»، - دەلىنگەن قۇتتىقتاۋدا.
***
ومان سۇلتانى كابۋس بەن سايد نۇرسۇلتان نازاربايەۆتى تۋعان كۇنىمەن قۇتتىقتاپ، وعان باقىت جانە مىقتى دەنساۋلىق تىلەدى، سونداي-اق دوستاس قازاقستان حالقىنىڭ ودان ءارى ىلگەرىلەۋى مەن ءوسىپ-وركەندەۋىنە نيەتتەستىگىن ءبىلدىردى.
