ن.نازاربايەۆ ب ۇ ۇ-نىڭ بەيبىتشىلىك پەن قاۋىپسىزدىكتى قامتاماسىز ەتۋدەگى جەتەكشى ءرولىن اتاپ كورسەتتى

استانا. قازاقپارات  -  بۇگىن مەملەكەت باسشىسى نۇرسۇلتان نازاربايەۆ ب ۇ ۇ باس حاتشىسى پان گي مۋنمەن تەلەفون ارقىلى سويلەستى، دەپ حابارلادى اقوردانىڭ باسپاءسوز قىزمەتى.

تاراپتار قازاقستان مەن ۇيىم اراسىنداعى ەكىجاقتى ءوزارا ءىس-قيمىلدىڭ احۋالى مەن بولاشاعىن تالقىلادى.

مەملەكەت باسشىسى ۇيىمنىڭ بەيبىتشىلىك پەن قاۋىپسىزدىكتى، ورنىقتى دامۋدى جانە حالىقارالىق قوعامداستىق مۇشەلەرى اراسىنداعى ىنتىماقتاستىقتى قامتاماسىز ەتۋدەگى جەتەكشى ءرولىن اتاپ كورسەتتى، سونداي-اق ەلىمىزدىڭ ب ۇ ۇ مىندەتتەرى مەن ماقساتتارىنا ادال ەكەنىنە سەندىردى.

پان گي مۋن قازاقستاننىڭ حالىقارالىق ساياساتتىڭ كۇن تارتىبىندەگى وزەكتى ماسەلەلەردى قاراستىرۋعا جانە شەشۋگە قوسىپ وتىرعان ۇلەسىن جوعارى باعالادى.  

تەلەفون ارقىلى سويلەسۋگە ب  ۇ ۇ باس حاتشىسىنىڭ كەڭسەسى باستاماشىلىق ەتتى.