قازاقستاننىڭ د س ۇ- عا كىرۋى ۇيالى بايلانىس قۇنىن تومەندەتەدى

استانا. قازاقپارات - قازاقستان 2,5 -جىلدان كەيىن وتاندىق تەلەكوممۋنيكاتسيالىق كومپانيالار كاپيتالىنا شەتەلدىك كومپانيالاردىڭ قاتىسۋىنىڭ% 49 دىق شەكتەۋىن جويادى.

بۇل تۋرالى ق ر ەكونوميكالىق ينتەگراتسيا ىستەرى ءمينيسترى جانار ايتجانوۆا ءمالىم ەتتى.

 مينيستر دۇنيەجۇزىلىك ساۋدا ۇيىمىنا (د س ۇ) كىرۋ بويىنشا كەلىسسوزدەر جۇرگىزگەندە «قازاقتەلەكوم» ا ق ءۇشىن بۇل شەكتەۋدى قالدىرۋ مۇمكىندىگىنە قول جەتكىزىلگەنىن اتادى.

«ۇلتتىق قاۋىپسىزدىك مۇددەلەرىنە سايكەس «قازقتەلەكوم» ءۇشىن وسى تالاپتى قويدىق. ياعني وندا شەتەلدىك كاپيتال مولشەرى %49 دان اسپاۋى ءتيىس، ال وزگە كومپانيالاردا 2,5 -جىلدان كەيىن د س ۇ- عا كىرگەن كۇننەن باستاپ بۇل شەكتەۋدى الىپ تاستايمىز» ، - دەدى ول.

«مۇنىڭ پايداسى قانداي؟ بۇل شەتەلدىك كومپانيالاردى ءبىزدىڭ تەلەكوممۋنيكاتسيالىق قىزمەت نارىعىنا تارتادى. قىزمەت ساپاسىن جاقسارتادى، قىزمەت ءتۇرىن ارتتىرادى، تەلەكوممۋنيكاتسيالىق قىزمەت باعاسىن تومەندەتەدى» ، - دەپ قوستى جانار ايتجانوۆا.