الەم بويىنشا «قازاقستان بارىسى» دوداسىن جارتى ميللياردتان استام كورەرمەن تاماشالايدى - ا. شورايەۆ

استانا. قازاقپارات - «قازاقستان بارىسى» دوداسىن الەم بويىنشا جارتى ميللياردتان استام ادام تاماشالايدى.

 بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر قازاق كۇرەسى فەدەراتسياسىنىڭ پرەزيدەنتى ارمان شورايەۆ ءمالىم ەتتى.

«قازىرگى كەزدە تۋرنيردى رەسپۋبليكاداعى ەڭ ۇلكەن ۇلتتىق ارنا «قازاقستان» مەن «KAZSport» ترانسلياتسيالايدى. بىلتىرعى رەيتينگكە سۇيەنىپ ايتاتىن بولسام، تەك قازاقستاندا 5-6 ميلليون كورەرمەن تاماشالادى. مەنىڭ ويىمشا، التى ساعاتقا سوزىلاتىن ترانسلياتسيا ءۇشىن بۇل وتە جاقسى كورسەتكىش»، - دەدى ا. شورايەۆ.

ونىڭ ايتۋىنشا، 37 ەلگە تارايتىن «بوەتس» تەلەارناسىنىڭ ارقاسىندا تۋرنيردى الەم بويىنشا تاعى 250 ميلليون ادام تاماشالاۋعا مۇمكىندىك الماق.

بۇدان بولەك، ايتۋلى دودانى كورسەتۋگە بىرنەشە ارنالارى، سونداي- اق ينتەرنەت تەلەارنالار قوسىلادى دەپ كۇتىلۋدە.

«سوندىقتان دا ءبىزدىڭ تۋرنيردى بارشا الەم بويىنشا جارتى ميللياردتان استام كورەرمەن تاماشالايدى»، - شورايەۆ.

وسىمەن بەسىنشى مارتە جالاۋى جەلبىرەيتىن بيىلعى «قازاقستان بارىسى» تۋرنيرىنىڭ ىرىكتەۋ سىندارى ەلىمىزدىڭ بارلىق ايماعىندا مارەسىنە جەتىپ، جۇزدەن جۇيرىك اتانعان ەڭ مىقتى 33 بالۋان شىلدەنىڭ 4- كۇنى استانادا ءوزارا بەلدەسەدى.

اتالعان تۋرنير اياسىنداعى ىرىكتەۋ ءتورت كەزەڭدە ءوتتى. ءبىرىنشى كەزەڭدەگى ىرىكتەۋلەر اعىمداعى جىلدىڭ ءساۋىر بويى اۋىلدار مەن ەلدى مەكەندەردە، Ⅱكەزەڭ - اۋداندىق، قالالىق ىرىكتەۋلەر 1-15 - مامىر ارالىعىندا، III كەزەڭ - وبلىستىق ىرىكتەۋلەر 20 - مامىرعا دەيىن بولدى، سونداي- اق سوڭعى كەزەڭ - اقتىق سىن. وعان قاتىساتىن بالۋاندار اراسىندا 19-23 - مامىر ارالىعىندا الماتى قالاسىندا وقۋ- جاتتىعۋ جيىنى وتكىزىلدى.

اۆتور: رۋسلان عابباسوۆ