ەلباسىنىڭ جارلىعىمەن ءبىرقاتار ەلدەردەگى قازاقستان ەلشىلەرى تاعايىندالدى

استانا. قازاقپارات - مەملەكەت باسشىسى نۇرسۇلتان نازاربايەۆتىڭ جارلىقتارىمەن ءبىرقاتار ەلدەردەگى قازاقستان ەلشىلەرى تاعايىندالدى.

بۇل تۋرالى اقوردانىڭ باسپا ءسوز قىزمەتىنەن حابارلادى.

مەملەكەت باسشىسىنىڭ جارلىقتارىمەن:

قازاقستان رەسپۋبليكاسىنىڭ يوردان حاشيميتتىك كورولدىگىندەگى توتەنشە جانە وكىلەتتى ەلشىسى ازامات راحمانقۇل ۇلى بەردىباي قازاقستان رەسپۋبليكاسىنىڭ يراك رەسپۋبليكاسىنداعى، ليۆان رەسپۋبليكاسىنداعى، پالەستينا مەملەكەتىندەگى توتەنشە جانە وكىلەتتى ەلشىسى قىزمەتىن قوسا اتقارۋشى قىزمەتىنە؛

قازاقستان رەسپۋبليكاسىنىڭ يزرايل مەملەكەتىندەگى توتەنشە جانە وكىلەتتى ەلشىسى دۋلات ورازبەك ۇلى قۋانىشيەۆ قازاقستان رەسپۋبليكاسىنىڭ كيپر رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى قىزمەتىنە؛

قازاقستان رەسپۋبليكاسىنىڭ ءۇندىستان رەسپۋبليكاسىنداعى توتەنشە جانە وكىلەتتى ەلشىسى بولات سەرعازى ۇلى سارسەنبايەۆ قازاقستان رەسپۋبليكاسىنىڭ شري-لانكا دەموكراتيالىق سوتسياليستىك رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى قىزمەتىنە تاعايىندالدى.