پرەزيدەنتكە ينفراقۇرىلىمدىق نىسانداردىڭ قۇرىلىس بارىسى تانىستىرىلدى

استانا. قازاقپارات - بۇگىن ەلباسى نۇرسۇلتان نازاربايەۆقا جاڭا يندۋستريالاندىرۋ اياسىنداعى تەلەكوپىردە «نۇرلى جول» باعدارلاماسى تۇرعىسىنداعى ينفراقۇرىلىمدىق نىسانداردىڭ قۇرىلىس بارىسى تانىستىرىلدى.

مەملەكەت باسشىسىن ورال - ر ف شەكاراسى اۆتوجول ۋچاسكەسى قۇرىلىسىنىڭ باستالۋى جانە «اقتاۋ تەڭىز پورتى» ە ە ا- ندا 3 قۇرعاق جۇك تەرمينالى قۇرىلىسىنىڭ اياقتالعاندىعى تۋرالى حاباردار ەتتى.

«قۇرمەتتى نۇرسۇلتان ءابىش ۇلى! جولداۋىڭىز بويىنشا استانا مەن وڭىرلەردى بايلانىستىراتىن ۇزاقتىعى 7 مىڭ شاقىرىم 11 اۆتوجول جوباسىن ىسكە اسىرۋ كوزدەلگەن. اۆتوجول جوبالارىن ىسكە اسىرۋ بارىسىندا 200 مىڭعا جۋىق ادام جۇمىسپەن قامتىلادى. 2020-جىلعا دەيىن قوزعالىس قارقىندىعى 2,5 ەسە وسەدى. اۆتوموبيل كولىگىمەن ترانزيت 2 ەسەگە ارتادى. باسىم جوبالاردىڭ ءبىرى - استانا مەن الماتى اراسىن قاراعاندى، بالقاش جانە قاپشاعاي قالالارى ارقىلى بايلانىستىراتىن، I- ساناتتاعى، جالپى ۇزاقتىعى 1282 كيلومەتر «ورتالىق-وڭتۇستىك» ءدالىزى بولىپ تابىلادى. استانا مەن الماتى اراسىندا جول ءجۇرۋ ۋاقىتى 6 ساعاتقا ازايادى. قازىر ءبىز «الماتى-قاپشاعاي» ۋچاسكەسىندە تۇرمىز. بيىل وسى ۋچاسكە بويىمەن ءبىر باعىتتاعى جول قوزعالىسىن اشۋدى جوسپارلاپ وتىرمىز»، - دەدى ق ر ينۆەستيتسيالار جانە دامۋ جونىندەگى 1- ۆيتسە-ءمينيسترى جەڭىس قاسىمبەك.

ءوز كەزەگىندە پاۆلودار وبلىسىنان سويلەگەن «قازاۆتوجول ۇ ك» ا ق باسقارما ءتوراعاسىنىڭ ورىنباسارى ۇلان ءالىپوۆ باعدارلامانىڭ ءىرى جوبالارىنىڭ ءبىرى - پاۆلودار مەن سەمەي قالالارى ارقىلى وتەتىن جالپى ۇزىندىعى 1018 شاقىرىم قۇرايتىن «ورتالىق-شىعىس» ءدالىزى بولىپ تابىلاتىندىعىن اتاپ ءوتتى.

«قازىرگى تاڭدا جۇمىستار 500 كيلومەتر بولاتىن 16 ۋچاسكەدە جۇرگىزىلۋدە، ونىڭ ىشىندە 100 كيلومەتر بيىلعى جىلى پايدالانۋعا بەرىلەدى. قازىر، ءبىز اتالعان ءدالىزدىڭ قۇرىلىسى جۇرگىزىلىپ جاتقان نىسانداردىڭ بىرىندە ەرتىس وزەنى ارقىلى وتەتىن كوپىر وتكەلىندە تۇرمىز. قۇرىلىس جۇمىستارى وندىرىستىك كەستەگە سايكەس جۇرگىزىلۋدە، كەلەسى جىلى استانانىڭ جولىن «پاۆلودار-سەمەي» اۆتوجولىمەن وسى كوپىر ارقىلى بايلانىستىرامىز. بۇل وتكەل پاۆلودار قالاسىندا ورنالاسقان ەرتىس وزەنى ارقىلى وتەتىن جالعىز ەسكى كوپىردىڭ جۇمىسىن جەڭىلدەتەدى»، - دەدى ول.

بۇدان بولەك، «قازاۆتوجول ۇ ك» ا ق باسقارما ءتوراعاسى ەرمەك قيزاتوۆ «نۇرلى جول» مەملەكەتتىك باعدارلاماسى اياسىندا «ورتالىق-باتىس» كولىك ءدالىزىنىڭ قۇرىلىسىمەن تانىستىردى.

«بۇل جوبا استانانى قازاقستاننىڭ باتىس وبلىستارىمەن ساپالى اۆتوكولىك جولى ارقىلى بايلانىستىرادى. سونداي-اق، ماكروايماقتىڭ تۇتاس دامۋىنا ىقپالى ەتىپ، رەسەي نارىعىنا وتاندىق تاۋارلاردى ەكسپورتتاۋ مۇمكىندىگىن ارتتىرادى. اتالعان جوبا رەسەيدىڭ وڭتۇستىكتەگى استراحان، ۆولگوگراد جانە ساراتوۆ قالالارىنا شىعۋعا مۇمكىندىك بەرەدى. بۇگىن «قازاۆتوجول» ۇلتتىق كومپانياسى «ورال-تاسقالا-ساراتوۆ» ۋچاسكەسىن جاڭعىرتۋعا دايىن. قۇرمەتتى پرەزيدەنت، جۇمىستى باستاۋعا رۇقسات سۇرايمىز!» - دەدى قيزاتوۆ.

اۆتور: رۋسلان عابباسوۆ