ەلباسى وسكەمەن مەن تەمىرتاۋداعى تەڭدەسسىز جوبالاردى ىسكە قوسۋعا رۇقسات بەردى
اتاپ ايتقاندا، الەمدە شيكىزاتقا سۇرانىس تومەندەۋىنە قاراماستان «ارسەلورميتتال تەمىرتاۋ» مەن «وسكەمەن تيتان- ماگني كومبيناتى» جاڭعىرتىلۋدا. تەمىرتاۋدا № 3- دومنا پەشى يننوۆاتسيالىق جابدىقتالدى. ەندى جىلىنا 2,3 ميلليون توننا شويىن الىپ، بولات ءوندىرىسىن ۇزدىكسىز قامتاماسىز ەتەدى. ال وسكەمەندە كەۋەكتى تيتان بلوكتارىن قوساقتاپ سىعىمدايتىن تەڭدەسسىز جوبا ىسكە قوسىلدى. سالا شيكىزات بازاسىنان قۇيما ءوندىرىسىنىڭ جوعارى 4- دەڭگەيىنە كوتەرىلدى. بىرىكتىرىلگەن تەحنولوگيالىق سيكل تولىق اۆتوماتتاندىرىلدى. قازاقستان تيتانى الەمدىك نارىققا بەرىك ورنىقتى.
«ارسەلورميتتال تەمىرتاۋ» اق №3 دومنا پەشىن قايتا قۇرۋ جانە جاڭعىرتۋ قۇنى 32,2 ميلليارد تەڭگە جۇمىس ورنى 278 ادامدى قۇرادى. سونىمەن قاتار جوبا قۋاتتىلىعى جىلىنا 2,3 ميلليون توننا شويىنعا جەتەدى.
ال «وسكەمەن تيتان- ماگني كومبيناتى» ا ق- نىڭ تيتان قۇيماسى مەن قورىتپاسى زاۋىتىنىڭ قۇنى 1 ميلليارد تەڭگە جوبا قۋاتتىلىعى جىلىنا 30 مىڭ توننا تيتاندى قۇراماق.
«يندۋستريالداندىرۋدىڭ مەملەكەتتىك باعدارلاماسى اياسىندا ءبىزدىڭ كومبينات قازاقستاندا العاش بولىپ تيتان بلوكتارىن قابات- قابات ءبولۋدىڭ تەحنولوگياسىن ەنگىزدى. ءبىز وسى بىرەگەي جوباعا 1 ميلليارد تەڭگە ينۆەستيتسيالادىق. قازىرگى كەزدە ءوندىرىستى باسقارۋ ۇدەرىسىن تولىقتاي اۆتوماتتاندىردىق، سونىمەن قاتار تيتاننىڭ وزىندىك قۇنىن تومەندەتىپ، ونىڭ ساپاسىن كوتەردىك» ، - دەدى «وسكەمەن تيتان- ماگني كومبيناتى» ا ق پرەزيدەنتى اسەم مامۋتوۆا.
اۆتور: رۋسلان عابباسوۆ
