يسلامدى قابىلداعان ۋكراين بويجەتكەنى كوز جاسىنا يە بولا المادى
ياعني، اراب جانە ورىس تىلدەرىندە ءوزىنىڭ مۇسىلمان بولعانىنا كۋالىك ەتىپ، ءشاھادات ايتتى. تەك تىلىمەن ايتىپ قويماي، تولقي ءتىل قاتىپ، كوزى جاسىنا يە بولا المادى. ول قاسيەتتى قۇران كارىمدى وقىپ بارىپ، وسىنداي شەشىمگە كەلگەنىن جەتكىزدى. «مەنىڭ قولىما قۇران ۇستاتتى. !لبەتتە، مەن ورىس ءتىلدىمىن. بىرنەشە سۇرەنى وقىپ شىقتىم. ولاردىڭ كوبىسى بۇگىنگى كۇننىڭ ساۋالدارىنا جاۋاپ بەرەتىنىن بايقادىم» ، - دەدى ول. سونداي- اۇ، ليزا ءوزىنىڭ يسلام ءدىنىن قابىلداعانىن وتباسىنداعىلاردىڭ بىلمەيتىنىن، ولارعا ءالى ايتپاعانىن مويىندادى. تۋىستارىنىڭ ءوزىنىڭ بۇل شەشىمىنە قىرىن قاراۋى مۇمكىن ەكەنىن دە جوققا شىعارمادى. «تەك وسى مەشىتتە تانىسقان ەڭ جاقىن ادامدارىم عانا بىلەدى. مەن بۇعان ۇزاق دايىندالدىم، ونىڭ قالاي بولاتىنىن تالاي رەت ەلەستەتتىم. الايدا، وسىنشا جان تەبىرەنتەرلىك ءساتتى باسىمنان كەشىرەرمىن دەپ ويلاماعان ەدىم. جىلايمىن- اۋ دەگەن وي ءۇش ۇيىقتاسام تۇسىمە كىرگەن ەمەس. اياق استىنان بولدى عوي. مەن بارلىق جان- تانىممەن، اقىل- ويىممەن ءشاھادات ايتتىم» ، - دەدى ول ءسوزىن ساباقتاپ. ليزا قالاي ناماز وقۋ كەرەك ەكەنىن ءبىلىپ الدى. بۇعان قوسا، ول اۋىز بەكىتىپ، ورازا ۇستاۋعا نيەتتەنىپ وتىر. نيەتىڭىز قابىل بولسىن، ليزا.
«الاش ايناسى»
