13:26, 01 - شىلدە 2015 | GMT +5
مالايزيا ءمۇفتيى اشىق- شاشىق كيىنگەندەرگە ەسكەرتۋ جاسادى
استانا. قازاقپارات - مالايزيانىڭ پەراك شتاتىنىڭ ءمۇفتيى حارۋسساني زاكاريا ەل تۇرعىندارىن قاسيەتتى رامازان ايىندا مۇسىلمانداردىڭ ورازاسىنىڭ بۇزىلۋىنا سەبەپشى بولماي، بارىنشا قاراپايىم كيىنۋگە، ياعني، قوعامدىق ورىنداردا اشىق- شاشىق جۇرمەۋگە، اۋرەت جەرلەرىن جاۋىپ جۇرۋگە شاقىردى.
ادامنىڭ اۋرەت جەرلەرىن اشىپ جۇرۋىنە اسىل دىنىمىزدە تىيىم سالىنعانىن ەسكە سالعان ول مەملەكەتتىك مەكەمەلەرگە دە اشىق- شاشىق كيىنگەندەردى كىرگىزۋگە تىيىم سالىنعانىن جەتكىزدى. ناقتىراق ايتقاندا، ەل تۇرعىندارى مەكتەپ، ەمحانا، بيلىك ورگاندارى، سوت، حالىققا قىزمەت كورسەتۋ ورتالىقتارى سەكىلدى مەملەكەتتىك مەكەمەلەرگە شورتى مەن قىسقا بەلدەمشەمەن كىرۋگە جۋىردا تىيىم سالىنعان بولاتىن.
