گولوۆكين كوتتوعا شەگىنۋگە جول قالدىرمادى - ب ا ق
باسىلىمنىڭ مالىمەتىنشە، كوتتو ءوزى يەلىك ەتەتىن چەمپيوندىق بەلبەۋدى ساقتاۋ ءۇشىن گولوۆكينمەن كەزدەسۋدەن قاشىپ، قاراشا ايىندا مەكسيكالىق ساۋل الۆارەسپەن كەزدەسۋدى جوسپارلاپ وتىر.
رايان و'حاردىڭ ايتۋىنشا، كوتتو الۆارەستى جەڭگەننەن كەيىن دە گولوۆكينمەن كەزدەسۋدەن قاشقاقتاپ، ءتۇرلى سىلتاۋ ايتادى. «ول قازاقستاندىق بوكسشىنىڭ تومەنگى سالماق دارەجەسىنە ءوتۋىن تالاپ ەتۋى مۇمكىن. ماسەلە وسىندا، GGG مۇنىمەن اينالىسۋدى باستاپ كەتتى»، - دەدى ول.
«كوتتوعا كەيىن شەگىنۋگە جول جوق. گولوۆكينمەن كەزدەسۋدەن باس تارتسا ول چەمپيوندىق تيتۋلىنان ايىرىلادى، ياعني ونىڭ ابىرويى قالمايدى. قالاي بولسا دا گولوۆكين جاقىن ارادا ورتا سالماقتا ابسوليۋتتى چەمپيون اتانادى»، - دەدى رايان و'حار.
ايتا كەتەيىك، گولوۆكين كەلەسى جەكپە-جەگىن الداعى قىركۇيەكتە وتكىزۋدى جوسپارلاپ وتىر. دەگەنمەن، قازاقستاندىقتىڭ پروموۋتەرى توم لەففلەردىڭ ايتۋىنشا، گولوۆكينگە قارسىلاس تابۋ ۋاقىت الۋى مۇمكىن. ۇمىتكەرلەردىڭ تىزىمىندە ونداعان ادام بار، ءبىراق ناقتى كىممەن كەزدەسەتىنى انىقتالعان جوق.
