قازاقستان تۋرالى اتىشۋلى مالىمدەمەلەر جاساعان رەسەيلىك ساياساتكەر ءسوزدىڭ ءجونىن ايتتى
ل د پ ر ليدەرىمەن بولعان اڭگىمەنى اناستاسيا احمەتوۆا ءوزىنىڭ ۆيدەوبلوگىندا جاريالادى.
مالىمدەمەلەرى ۇنەمى داۋعا اينالاتىن ساياساتكەر قازاقستان تۋرالى ايتقانىندا تىلشىلەردىڭ كوپ جاعدايدا ءسوز ماعىناسىن اسىرەلەپ جىبەرەتىنىن ءتۇسىندىردى. «رەسەيدە قازاقستاننىڭ ستاتۋسى مەن ونىڭ شەكاراسىنا بايلانىستى ەشكىم دە كۇماندانبايدى. شىن مانىندە كەيبىر تىلشىلەر سوزدەردى اسىرەلەپ جىبەرەدى. بيىل مەن «ەكو موسكۆى» راديوسىندا قوناقتا بولدىم،
پليۋشيەۆ جۇرگىزدى، ءبىز ۋكراينانى، دونباسستى تالقىلاپ جاتقانبىز. ول سۇراق قويا باستادى: «ال كەلەسى كىم، قازاقستان؟». مەن بولسام: «كەيىن، بۇل تۋرالى كەيىن، ءتىپتى مۇنى تالقىلاۋدىڭ قاجەتى جوق». قازاقستانعا مالىمەت تارالىپتى، ونداعىلار كەلەسى كەزەكتە قازاقستان بولادى دەپ ەسەپتەيدى»، - دەدى پليۋشيەۆ. مەن ونى توقتاتقىم كەلدى، ستۋديادا ءسوزىن ءبولىپ تاستاۋ ىڭعايسىز بولدى. ءبىز تەك ۋكراينا جانە ازاماتتىق سوعىس تاقىرىبىن تالقىلادىق. ال قازاقستانعا «قازىر ۋكراينانىڭ ماسەلەسىن شەشەمىز، كەيىن قازاقستانمەن اينالىسامىز» دەلىنگەن اقپارات تاراپ كەتتى. ايتىلىپ وتىرعان وي بۇعان جاقىنداعان دا جوق ەدى. بۇل ماسەلەنى ەشكىم ەشقاشان كوتەرمەيدى»، - دەپ مالىمدەدى جيرينوۆسكي.
ساياساتكەر كەيبىر ادامدار قازاقستان مەن رەسەيدىڭ ءوزارا قارىم- قاتىناسىنا داق تۇسىرگىسى كەلەدى دەپ ەسەپتەيدى. «قازاقستان جايلى ەشقاشان ەشتەڭە بولعان جوق، قوعامدىق پىكىرگە اسەر ەتەتىن بيلىك بولسىن، تىلشىلەر بولسىن، رەسەيدە قازاقستانعا، ونىڭ باسشىلىعىنا جىلى قارىم-قاتىناستىڭ بار ەكەنىن بىلەدى، ءتىپتى مەنى دە قوسۋعا بولادى - مەن ءۇشىن بۇل كىشى وتانىم. ەگەر الماتىداعى ماسانچي كوشەسىن جيرينوۆسكي دەپ اتايتىن بولسا، №25 -مەكتەپتى جيرينوۆسكي مەكتەبى دەپ اتاسا، ال پاتەرىمدى مۋزەي-ءۇي قىلسا قارسى بولمايمىن»، - دەدى جيرينوۆسكي.
ال 2014 -جىلى قازاقستاندىق زاڭگەر اسقار قايماقوۆ رەسەيدىڭ باس پروكۋراتۋراسىنا ءوزىنىڭ ل د پ ر فراكسياسىنىڭ جەتەكشىسى ۆلاديمير جيرينوۆسكيدى اتىشۋلى مالىمدەمەلەرى ءۇشىن قىلمىستىق جاۋاپكەرشىلىككە تارتۋ تۋرالى ارىزىن بەيجاي قالدىرماۋدى سۇراپ، حات جولداعان بولاتىن.
ەسكە سالايىق، 2014 -جىلدىڭ اقپانىندا جيرينوۆسكي قازاقستانعا قاتىستى بىرنەشە ورىنسىز مالىمدەمە جاساعان بولاتىن. زاڭگەر ر ف باس پروكۋراتۋراسىنا 2014 -جىلدىڭ ناۋرىزىندا شاعىم جولداعانىن ەسكە سالدى.
وندا قايماقوۆ جيرينوۆسكيدى رەسەي قىلمىستىق كودەكسىنىڭ ءۇش بابى بويىنشا جازالاۋ كەرەكتىگىن اتاپ كورسەتكەن: «جەككورىنىشتى نەمەسە دۇشپاندىقتى قوزدىرۋ جانە ادامنىڭ ار-نامىسىن قورلاۋ»، «كوپشىلىك الدىندا ەكسترەميستىك قىزمەتكە ۇندەۋ» جانە «كوپشىلىك الدىندا باسقىنشىلىق سوعىستى تۋعىزۋعا ۇندەۋ».
اڭگىمە رەسەيلىك ساياساتكەردىڭ وتان قورعاۋ كۇنىندەگى ميتينگتە سويلەگەن سوزىنە قاتىستى بولىپ وتىر. ونىڭ «ورتاازيالىق فەدەرالدىق وكرۋگ» قۇرۋ تۋرالى ۇسىنىسى كوپشىلىكتىڭ نارازىلىعىن تۋعىزدى. «ورتا ازيادا ەشقانداي رەسپۋبليكا بولعان جوق. ورتاازيالىق فەدەرالدىق وكرۋگ - باستى قالاسى ۆەرنىي! بۇگىندە ونىڭ باسقا اتاۋى بار، الما-اتا - مەنىڭ تۋعان قالام. ول اتاۋدى وزبەكستان، قىرعىزستان، تاجىكستان، تۇرىكمەنستان جانە قازاقستان ويلاپ تاپتى. ورتاازيالىق فەدەرالدىق وكرۋگ!» - دەگەن بولاتىن ساياساتكەر.
