الماتىدا جاس بالدىرعاندار اسكەر قاتارىندا قىزمەت ەتۋدىڭ قىر- سىرىنا قانىقتى - فوتو
دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.
بۇل ويىنعا الماتى قالاسىنىڭ ءارتۇرلى اۋداندارىنان جينالعان 7 مەن 15 جاس ارالىعىنداعى 100 دەن استام بالاۋسا قاتىستى. كىشكەنتاي جاۋىنگەرلەرگە بىرنەشە كەزەڭنەن وتۋگە تۋرا كەلدى. ءبىرىنشىسى «كەدەرگى جولاعى» - ويىن اسكەري- سپورتتىق ەستافەتا تۇرىندە قۇرىلدى. بالالارعا شىتىرمان جولدان شىعۋ امالىن تابۋ، وق- دارىلەردى اپارۋ، حيميالىق شابۋىلدان قۇتىلۋ، العاشقى مەديتسينالىق كومەك كورسەتۋ قاجەت بولدى. ەكىنشى كەزەڭ - «جالاۋدى باسىپ الۋ» كەزەڭىندە جاس ەرۋديتتەر جۇمباقتار مەن رەبۋستار جاسىرىلعان كونۆەرتتەردى الدى. سول ارقىلى ولار وزدەرىنىڭ ماقساتتارىنا جەتتى.
«ءبىز اتالعان سايىستى جاس پاتريوتتارىمىز ءۇشىن وتكىزىپ وتىرمىز. بۇل اكسيا وسكەلەڭ ۇرپاققا قازاقستاندىق پاتريوتيزم رۋحىندا تاربيە بەرۋ، وتانعا دەگەن ماحابباتىن وياتۋ جانە رەسپۋبليكامىزدىڭ قارۋلى كۇشتەرىندە اسكەري قىزمەتتىڭ ءيميدجىن كوتەرۋ ءۇشىن وتكىزىلەدى»، - دەدى 97617 اسكەري ءبولىمى تاربيە جانە يدەولوگيالىق جۇمىستار ءبولىمىنىڭ اعا وفيتسەرى كاپيتان ەرمەك مەڭدىعاليەۆ.
بايقاۋدى ۇيىمداستىرۋ مەن وتكىزۋگە 97617 اسكەري ءبولىمىنىڭ تاربيەشى وفيتسەرلەرى جانە 38-دەسانتتىق- شابۋىلداۋ بريگاداسىنىڭ اسكەري قىزمەتشىلەرى بەلسەنە قاتىستى. سونداي- اق ولاردىڭ قارۋ- جاراعى مەن اسكەري تەحنيكاسى قولدانىلدى.
