ەسكەرتۋ: قازاقستاندا وتە كۇشتى اپتاپ ىستىق بولادى

استانا. قازاقپارات - قازگيدرومەت ەلىمىزدىڭ 6 وبلىسىندا وتە كۇشتى اپتاپ ىستىق بولاتىندىعى جايلى شۇعىل ەسكەرتۋ تاراتتى.

29- ماۋسىم - 1- شىلدە ارالىعىندا كۇندىز اتىراۋ وبلىسىندا +40+43 گرادۋس اپتاپ ىستىق ساقتالادى.

30- ماۋسىم - 2- شىلدە ارالىعىندا كۇندىز ماڭعىستاۋ وبلىسىندا +40+45 گرادۋس اپتاپ ىستىق كۇتىلۋدە.

30- ماۋسىم - 2- شىلدەدە كۇندىز قىزىلوردا وبلىسىندا اپتاپ ىستىق 45+ گرادۋسقا دەيىن كوتەرىلەدى.

30- ماۋسىم - 1- شىلدەدە كۇندىز اقتوبە، قاراعاندى، قوستاناي وبلىستارىندا كەي جەرلەردە 40+ گرادۋسقا دەيىن اپتاپ ىستىق بولۋى ىقتيمال.