يتاليا پرەمەر-ءمينيسترى قىمىز ءىشىپ تامساندى
ايتا كەتەيىك، بۇگىن ەلباسىمىزبەن بىرگە قازاقستاننىڭ ۇلتتىق پاۆيلونىن ارالاعان يتاليا ۇكىمەتىنىڭ باسشىسى قىمىزدان ءدام تاتقان بولاتىن. «بۇگىن مەن قىمىزدان ءدام تاتتىم. جالپى، ادام ءار ۋاقىتتا دا مىقتى بولۋى ءتيىس. ال كۇش-قۋاتتىڭ تولىسۋىنا قىمىزدىڭ تيگىزەر اسەرى مول. ويتكەنى، وندا اقۋىز كوپ ءارى وتە ەنەرگەتيكالىق سۋسىن»، - دەدى ول.
سونىمەن قاتار ماتتەو رەنتسي قازاقستاننىڭ ۇلتتىق پاۆيلونىنان ەكى ەلدى ىنتىماقتاستىعىنا جول اشار كوپتەگەن سالانىڭ بار ەكەندىگىنە كوز جەتكىزگەنىن اتاپ ءوتتى.
«ماسەلەن، اگروونەركاسىپ كەشەنى. قازاقستان جەر اۋماعى بويىنشا الەمدەگى توعىزىنشى مەملەكەت. ءبىز بۇل سالادا بارىنشا بايىپتى ىنتىماقتاستىقتى جولعا قويا الار ەدىك. قازاقستان مەن يتاليا تەك ەكونوميكالىق سالادا عانا ىنتىماقتاسىپ وتىرعان جوق. بىزدەردى بىرىكتىرەتىن باسقا دا قۇندىلىقتاردى قاپەردەن شىعارماي، بيزنەس جايىندا دا ءسوز قوزعاي بەرەتىن بولامىز»، - دەدى م. رەنتسي.
اۆتور: مارلان جيەمباي
