گاگادا قازاقستاننىڭ حالىقارالىق باستامالارى ۇسىنىلدى

استانا. قازاقپارات - استانا كۇنى قارساڭىندا نيدەرلاند كورولدىگى پارلامەنتىنىڭ عيماراتىندا قازاقستاننىڭ باستامالارىنا ارنالعان كورمە ۇيىمداستىرىلدى، دەپ حابارلايدى ق ر س ءى م باسپا ءسوز قىزمەتى.

24- ماۋسىمدا وتكەن ءىس-شارا بارىسىندا گوللانديالىق دەپۋتاتتىق كورپۋسىنا جانە جەرگىلىكتى ب ا ق وكىلدەرىنىڭ نازارىنا ەلىمىزدىڭ باستى باستامالارى، اتاپ ايتقاندا، قازاقستاننىڭ ب ۇ ۇ قاۋىپسىزدىك كەڭەسىنە تۇراقتى ەمەس مۇشەلىگىنە جانە 2022-جىلعى قىسقى وليمپيادالىق ويىنداردى قابىلداۋعا ۇمىتكەرلىگى، ەكسپو-2017, اتوم جوباسى، قازاق حاندىعىنىڭ 550 جىلدىعى، سونداي-اق ستراتەگيالىق «100 ناقتى قادام» ۇلت جوسپارى مەن «نۇرلى جول» باعدارلامالارى ۇسىنىلدى.

قازاقستاندىق ستەند جانە ارنايى دايىندالعان مۋلتيمەديالىق سلايد كورسەتىلىمى نيدەرلاندىنىڭ ساياسي ورتالارىنىڭ قىزىعۋشىلىعىن تۋدىرىپ، ولاردىڭ قازاقستان رەسپۋبليكاسىنىڭ ساياسي-ەكونوميكالىق، الەۋمەتتىك دامۋىنىڭ باعىتىمەن بارىنشا جاقىنىراق تانىسۋعا مۇمكىندىك بەردى.

گوللانديالىق كاسىپكەرلەر قاۋىمداستىعى قازاقستانمەن ساۋدا-ەكونوميكالىق قاتىناستاردى ودان ءارى تەرەڭدەتۋگە مۇددەلىلىكتەرىن نازارعا الا وتىرىپ، جارمەڭكەنىڭ ينۆەستيتسيالىق بولىگىنە، ق ر ۇكىمەتى تاراپىنان شەتەلدىك ينۆەستورلاردى قولداۋعا باعىتتالعان ينۆەستيتسيالىق جەڭىلدىكتەرگە ەرەكشە نازار اۋدارىلدى.

ءىس-شارا بارىسىندا نيدەرلاندتىق دەپۋتاتتار قازاقستاننىڭ ءىرى حالىقارالىق ماڭىزدى باستامالارىنىڭ ۇتىمدىلىعىن ەرەكشە اتاپ ءوتتى.