د س ۇ جاعدايىندا باسەكەلەستىككە قابىلەتتى بولۋ كاسىپكەرلەردىڭ وزدەرىنە بايلانىستى

ورال. قازاقپارات - قازاقستاننىڭ د س ۇ- عا مۇشە بولۋ تۋرالى شەشىمنىڭ قابىلدانۋى كاسىپكەرلىكتىڭ حالىقارالىق دەڭگەيدە دامىپ، ودان ءارى تانىلۋىنا داڭعىل جول اشىپ وتىر.

ەندىگى جەردە باسەكەگە قابىلەتتى بولۋى ءار كاسىپورىن نەمەسە كاسىپكەردىڭ وزدەرىنىڭ جوسپارلاۋ، بيزنەس ءىسىن جانە يننوۆاتسيالىق دامۋ تاسىلدەرىن ءتيىمدى جۇرگىزۋلەرىنە بايلانىستى.

بۇل تۋرالى ب ق و كاسىپكەرلەر پالاتاسى ديرەكتورىنىڭ قۇقىقتىق ماسەلەلەر جونىندەگى ورىنباسارى نۇرجان ماقسوتوۆ ءمالىم ەتتى.

ونىڭ ايتۋىنشا، باسەكەلەستىك بار جانە بولادى دا. كۇنى بۇگىن ب ق و كاسىپكەرلەر پالاتاسى كاسىپكەرلەردىڭ دامۋ مەن ءوز بيزنەس جوسپارلارىن دۇرىس ءارى ساپالى جۇرگىزۋى باعىتىندا اۋقىمدى شارالاردى ۇيىمداستىرىپ كەلەدى.

مىسالى، سەرۆيستىك كومەك كورسەتۋ ارقىلى كاسىپكەرلەرگە سەگىز باعىتتا قىزمەت تۇرلەرى كورسەتىلەدى. ولاردى ىشكى جانە سىرتقى نارىقتا باسەكەگە قابىلەتتى بولۋىنا بەيىمدەپ وقىتۋ جۇمىستارى جۇرگىزىلىپ، ءتيىستى كەڭەستەر بەرىلەدى. بيىل وسى سەرۆيستىك قولداۋ كورسەتۋگە 33 ميلليونتەڭگە ءبولىندى.

«ەڭ باستىسى، شالعاي اۋىلدارداعى كاسىپكەرلەردىڭ باسقا وبلىستارعا، الىس-جاقىن شەتەلدەرگە تانىلۋىنا كۇش سالامىز. وتاندىق كاسىپكەرلەرگە س ت- KZ سەرتيفيكاتى بيىلعى ناۋرىزدان كاسىپكەرلەر پالاتاسى ارقىلى بەرىلەدى. وسى سەرتيفيكات ارقىلى كاسىپكەرلەر ارنايى ەكونوميكالىق ايماقتاردا ارەكەت ەتە الادى، سونداي-اق ءوز تاۋارلارىن وزگە ەلدەردە تاراتۋىنا، مەملەكەتتىك ساتىپ الۋ كەزىندە ارتىقشىلىققا يە بولۋعا مۇمكىندىكتەرى مولايادى. بيىلدىڭ وزىندە ءوڭىر كاسىپكەرلەرىنەن ەكسپورتقا جونەلتىلەتىن تاۋارلاردىڭ شىعۋ تەگىن انىقتاۋ ءۇشىن 130 عا جۋىق سەرتيفيكات الۋعا ءوتىنىش ءتۇسۋى ولاردىڭ حالىقارالىق نارىق جاعدايىنا بەيىمدەلۋگە بەت بۇرىپ، باسەكەلەستىككە توتەپ بەرە الاتىنىن اڭعارۋعا بولادى»، دەپ تۇيىندەدى ويىن ن. ماقسوتوۆ.

اۆتور: ەلجان ەرالى