ەلباسى: قازاقستان - ەۋرازيالىق ەكونوميكالىق وداقتىڭ الىپ نارىعىنا اپاراتىن ۇزدىك قاقپا
بۇل تۋرالى بۇگىن ميلاندا وتكەن قازاقستان- يتاليا بيزنەس فورۋمىندا ەلباسى ن. ءا. نازاربايەۆ ايتتى.
« كوپ جاعدايدا قازاقستاننىڭ ينۆەستيتسيالىق تارتىمدىلىعىن ارتتىرۋعا قۇرىلعان ەۋرازيالىق ەكونوميكالىق وداق سەپتىگىن تيگىزەدى. وداق جالپى ەكونوميكاسىنىڭ كولەمى ەكى ترلن. اقش دوللارى بولاتىن 175 ميلليون ادامدى بىرىكتىرەدى»، - دەدى ەلباسى.
ق ر پرەزيدەنتى قازاقستان، رەسەي، بەلارۋس، قىرعىزستان جانە ارمەنيا اراسىنداعى كەدەن وداعى اۋماعىندا كاپيتالدىق، جۇمىس كۇشىنىڭ، بيزنەستىڭ ەركىن قوزعالۋى قاراستىرىلعانىن اتاپ ءوتتى.
«ياعني، سىزدەر قازاقستاندا كاسىپورىن قۇرعان جاعدايدا، تاۋارلارىڭىز ەۋرازيالىق ەكونوميكالىق وداقتىڭ بارلىق اۋماعىندا جانە قىتايدا ەركىن قوزعالاتىن بولادى. ەڭ تومەن سالىق، ىشكى كەدەرگىلەردىڭ جويىلۋى، مەملەكەتتىك رەتتەۋدىڭ ايقىندىلىعى ينۆەستورلارمەن ءوزارا قارىم- قاتىناستىڭ تۇراقتىلىعى ءبىزدىڭ ەلىمىزدى ەۋرازيالىق ەكونوميكالىق وداقتىڭ الىپ نارىعىنا كىرۋدەگى ۇزدىك قاقپا رەتىندە پاش ەتەدى»، - دەدى ق ر پرەزيدەنتى.
اۆتور: مارلان جيەمباي
