قازاقستاننىڭ كوك بايراعى ميلاندا كوتەرىلدى
رەسمي شارا الدىندا قازاقستان مەن يتاليا ەلدەرىنىڭ ءانۇرانى ويناپ، قازاق ەلىنىڭ تۋىن كوتەرۋ سالتاناتتى ءراسىمى ءوتتى.
وسىدان كەيىن يتاليا پرەمەر-ءمينيسترى مەن ق ر پرەزيدەنتى ءسوز سويلەدى.
ايتا كەتەرلىگى، ەكسپو اياسىندا كورمەگە قاتىسۋشى ەلدەردىڭ ۇلتتىق كۇندەرىن وتكىزۋ داستۇرگە اينالعان. «Expo Milano 2015» كورمەسىنە قاتىسىپ وتىرعان 147 ەلدىڭ ىشىندەگى 110 مەملەكەت ءوز ەلدەرىنە ارنالعان تانىستىرىلىمداردى وتكىزەتىن بولادى. قازىرگى كۇنى تۇركىمەنستان، ماروككو، ارگەنتينا، تۋنيس، قىرعىزستان، كونگو مەن ۇلى بريتانيانىڭ ۇلتتىق كۇندەرى ءوتتى.
ۇلتتىق كۇن - ءوز ەلىڭدى تانىستىرۋعا، ونىڭ تاريحى مەن داستۇرلەرى تۋرالى بايانداپ بەرۋگە مۇمكىندىك بەرەتىن ەكسپو كورمەسىنىڭ اجىراماس ءبىر بولىگى. قازاقستان دۇنيەجۇزىلىك كورمەگە 2005 -جىلدان بەرى قاتىسىپ كەلەدى.
الايدا، ءدال وسى جىلى ەلىمىزدىڭ پاۆيلونى ايرىقشا ورىنعا يە بولىپ وتىر. قازاقستان پاۆيلونىنىڭ «Expo Milano 2015» كورمەسىندە العاشقى ەكى اي ىشىندەگى جۇمىسى تۋريستەر مەن كورمە قوناقتارىنىڭ ەلىمىزگە دەگەن قىزىعۋشىلىعى اسا جوعارى ەكەنىن بايقاتتى.
اۆتور: مارلان جيەمباي
