الماتى حايۋاناتتار باقشاسىنداعى قۇستاردى قارۋمەن اتپاق بولعان ادام ۇستالدى

 الماتى. قازاقپارات - الماتى زووباعىندا پنيەۆاتيكالىق قارۋمەن قارۋلانعان ەر ادام ۇستالدى. زووباق قىزمەتكەرلەرى ونىڭ قۇستاردى اتپاق بولعانىن بايقاعان. بۇل تۋرالى زووباقتىڭ باسپا ءسوز حاتشىسى ميحايل سوروكوۋموۆ حابارلادى.

ونىڭ ايتۋىنشا، ۇستالعان ادام قارۋدى بالالاردان تارتىپ العاندىعىن ايتىپ اقتالعان. وتكەن جىلى 2 بوزبالا وسىنداي قارۋمەن ۇيرەكتەردى اتىپ جاتقان جەرىنەن ۇستالعان بولاتىن.

زووباق باسشىلىعى وسى جاعدايلاردان سوڭ ءار توردىڭ الدىندا ءبىر قىزمەتكەردەن قويىپ، قاداعالاۋدى كۇشەيتپەك. ودان باسقا قاتاڭ شارالاردى تەك قۇقىق قورعاۋ ورگاندارى عانا جۇزەگە اسىرا الادى.

«جانۋارلارعا جانى اشىمايتىن كەلۋشىلەردىڭ قاتارىندا ولاردى تاماقتاندىرۋعا تىرىساتىندار دا بار. كەلۋشىلەردىڭ ۇلكەن دە، كىشىسى دە ولارعا پوپكورن، جۇگەرى، چيپسى، كامپيت، الما بەرۋگە قۇمار. ولار كەتكەن سوڭ قىزمەتكەرلەر توردىڭ ىشىنەن ءتۇرلى قوقىس شىعارادى. ماسەلەن، وسىدان بىرنەشە جىل بۇرىن ولگەن قولتىراۋىننىڭ ىشىنەن ۆەتەرينارلار پلاستيك قۇتىلار، كامپيت، قاعاز تاۋىپ العان. ونىڭ ولىمىنە وسى سەبەپ بولۋى دا عاجاپ ەمەس»، - دەدى م. سوروكوۋموۆ.

اۆتور: گۇلميرا عوسمانالي