وڭتۇستىكتە ساۋمالمەن ەمدەۋ ورتالىقتارى اشىلادى
بۇل تۋرالى شىمكەنتتەگى كورمە ورتالىعىندا ءوتىپ جاتقان شاعىن جانە ورتا كاسىپكەرلىكتىڭ وڭىرلىك فورۋمىندا وڭتۇستىك قازاقستان وبلىستىق يندۋستريالدى- يننوۆاتسيالىق دامۋ جانە تۋريزم باسقارماسىنىڭ باسشىسى باۋىرجان وماربەكوۆ ءمالىم ەتتى، دەپ حابارلايدى Bnews.kz ءتىلشىسى.
«وڭتۇستىك قازاقستان وبلىسىندا كاسىپكەرلىك سالاسىندا جاڭا جوبالار ەنگىزىلۋدە. بۇگىنگى فورۋمدا سول جاڭا جوبالار شاعىن جانە ورتا كاسىپكەرلەرگە تۇسىندىرىلەتىن بولادى» ، - دەيدى باسقارما باسشىسى.
باۋىرجان وماربەكوۆتىڭ ايتۋىنشا، مىسالى، وبلىس اكىمى اسقار مىرزاحمەتوۆتىڭ تاپسىرماسىمەن تۋريزم سالاسىندا وبلىس دەڭگەيىندە قازاقتىڭ سالت- داستۇرىنە ساي كەلەتىن ساۋمال كلاستەرىن دامىتۋ قولعا الىنعان.
«پيلوتتىق جوبا بويىنشا ءبىز وبلىستاعى ءار قالا، اۋداندا ساۋمالمەن ەمدەۋ ورتالىعىن اشىپ، ول جەردەگى تۋريزمدى دامىتۋدى كوزدەپ وتىرمىز. ساۋمالمەن ەمدەۋدىڭ ادام اعزاسىنا پايداسى حالىق اراسىندا كەڭىنەن تاراعان. دەسە دە، ءبىز تەك قانا مۇنىمەن شەكتەلمەي مەديتسينالىق ساراپتاماسىن الا وتىرىپ، ساۋمالمەن ەمدەۋدى جولعا قويعىمىز كەلەدى» ، - دەيدى باۋىرجان وماربەكوۆ.
