قىتاي قاشاندا ءبىزدىڭ سىرتقى ساياساتىمىزداعى ەڭ ماڭىزدى باسىمدىقتارىمىزدىڭ ءبىرى بولا بەرمەك - ب. ساعىنتايەۆ

استانا. قازاقپارات - بۇگىن ۇكىمەت ۇيىندە ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ استاناعا جۇمىس ساپارىمەن كەلگەن ق ح ر مەملەكەتتىك كەڭەسىنىڭ ۆيتسە-پرەمەرى، قىتاي كوممۋنيستىك پارتياسىنىڭ و ك ساياسي بيۋروسى تۇراقتى كوميتەتىنىڭ مۇشەسى جان گاوليمەن كەلىسسوزدەر جۇرگىزدى.

بۇل تۋرالى ق ر ۇكىمەت باسشىسىنىڭ باسپا ءسوز قىزمەتىنەن حابارلادى.

«قىتاي قاشاندا ءبىزدىڭ سىرتقى ساياساتىمىزداعى ەڭ ماڭىزدى باسىمدىقتارىمىزدىڭ ءبىرى بولىپ كەلدى جانە بولا بەرمەك تە. ەكى ەل اراسىنداعى ءوزارا قاتىناس جاڭا دەڭگەيگە كوتەرىلىپ، جان- جاقتى ستراتەگيالىق سيپاتقا يە بولدى. ءبىزدىڭ ورتاق جەتىستىگىمىزدىڭ كەپىلى - جوعارى دەڭگەيدەگى ساياسي ءۇن قاتىسۋ»، - دەپ اتاپ ءوتتى باقىتجان ساعىنتايەۆ كەزدەسۋ باسىندا.

ق ر پرەمەر-ءمينيسترىنىڭ ءبىرىنشى ورىنباسارىنىڭ ايتۋىنشا، قازاقستان پرەزيدەنتى نۇرسۇلتان نازاربايەۆتىڭ «نۇرلى جول» جاڭا ەكونوميكالىق ساياساتى مەن ق ح ر ءتوراعاسى شي جينپيڭنىڭ «ءبىر بەلدەۋ، ءبىر جول» باستاماسى ۇيلەسىمدى ءبىرىن ءبىرى تولىقتىرىپ، ەكى ەلدىڭ ءوزارا ءتيىمدى ارىپتەستىگىنە جاڭا پەرسپەكتيۆالار اشادى.

كەلىسسوزدەر بارىسىندا تاراپتار ەكىجاقتى ىنتىماقتاستىق ماسەلەسىن تالقىلادى. اتاپ ايتقاندا، وندىرىستىك قۋاتتاردى ق ح ر- دان قازاقستانعا كوشىرۋ، اۋقىمدى كولىك جوبالارى اياسىنداعى ءىس- قيمىل، ترانسشەكارالىق سۋ رەسۋرستارىن پايدالانۋ، ەنەرگەتيكا، اۋىل شارۋاشىلىعى سالالارىنداعى ىنتىماقتاستىق، سونداي- اق قىتايعا ءداستۇرلى قازاقستاندىق ونىمدەر ەكسپورتىن (مىس، فەرروحروم، تەمىر كەندى تۇيىرشىكتەر، بولات پروكاتى جانە ت. ب. ) ۇلعايتۋ ماسەلەلەرى قارالدى.

قىتايدىڭ شىعىس جانە وڭتۇستىك- شىعىس پروۆينتسيالارىنىڭ جوعارى ەكونوميكالىق جانە ينۆەستيتسيالىق الەۋەتىن، سونداي- اق شىنجاڭ ۇيعىر اۆتونوميالى ولكەسىنىڭ ەكونوميكالىق ماڭىزدىلىعى ارتىپ كەلە جاتقانىن ەسكەرە وتىرىپ، قازاقستان ق ر مەن ق ح ر ءوڭىرارالىق ىنتىماقتاستىق فورۋمىن قۇرۋدى ۇسىنادى.

باقىتجان ساعىنتايەۆ پەن جان گاولي مادەني- گۋمانيتارلىق سالادا، ستۋدەنتتەرمەن جانە تاعىلىمدامادان وتۋشىلەرمەن الماسۋدا ەكى ەل اراسىنداعى ىنتىماقتاستىق نىعايا تۇسكەنىنە توقتالدى. قازىرگى تاڭدا قىتايدىڭ جوعارى وقۋ ورىندارىندا 12 مىڭعا جۋىق قازاقستاندىق ستۋدەنتتەر مەن وقۋشىلار ءبىلىم الۋدا. 2015-2016 وقۋ جىلىنا قىتايلىق تاراپ قازاقستاندىقتارعا ارناپ 59 گرانت ءبولىپ وتىر. قازاقستان وتاندىق ج و و- لاردا ءبىلىم الۋ ءۇشىن 83 گرانت ءبولدى.