الماتىدا مىڭداعان پوليتسەي ءمىنسىز قىزمەتى ءۇشىن ماراپاتتالدى - فوتو
كاسىبي مەرەكە قارساڭىندا مىڭداعان پوليتسەي ىشكى ورگاندارداعى ءمىنسىز قىزمەتى ءۇشىن ماراپاتتالدى.
«بۇگىندە قالانىڭ قاۋىپسىزدىگىن 6 مىڭعا جۋىق قىزمەتكەر كۇزەتىپ ءجۇر. ءبىز ولاردىڭ ەرەن ەڭبەگىمەن ماقتانامىز. مەن قازىر وسى زالدا وتىرعانداردى دا، پوستىلاردا قىزمەتىن وتەپ تۇرعان پوليتسەيلەردى دە قۇتتىقتاعىم كەلەدى. ءبىزدىڭ دەپارتامەنتتىڭ تاريحى دا تەرەڭدە جاتىر. الماتى گارنيزونىنىڭ جەكە ءبولىنىپ شىققانىنان 55 جىل ءوتتى، سول گارنيزوننىڭ 20 دان اسا قىزمەتكەرى گەنەرال شەنىن الدى»، - دەدى ءى ءى د باسشىسى سەرىك كۇدەبايەۆ.
جارتى عاسىر ىشىندە الماتى بولىمشەسىنەن 3 ىشكى ىستەر ءمينيسترى، 14 ۆيتسە- مينيستر، 17 وبلىستىق جانە قالالىق دەپارتامەنت باسشىلارى شىقتى.
ءى ءى د باسشىسى قۇقىق قورعاۋ وكىلدەرىن قۇتتىقتاي وتىرىپ، ق ر ءى ءى م بۇيرىعىنا سايكەس مىڭداعان پوليتسەيدى ماراپاتتادى.
اۆتور: گۇلميرا عوسمانالي
