استانا رەسپۋبليكالىق بيۋدجەت دونورىنا اينالۋدا
2500 تۇراقتى جۇمىس ورنى اشىلدى. نارىقتا 3 جىل بويى ناتيجەلى قىزمەت ەتىپ جاتقان AstanaSolarكومپانياسى دا وسى قاتاردا. ءتىلشىمىز داريعا تاشەنوۆا زاماناۋي كاسىپورىنىڭ تىنىس- تىرشىلىگىمەن تانىستى. كۇن ەنەرگياسىن ءوندىرىپ، ونى ءتيىمدى بيزنەس تۇرىنە اينالدىرۋ جىلدان جىلعا قارقىن الىپ كەلەدى.
ەلدە قۋاتتىلىعى 50 مەگا ۆاتتى قۇرايتىن ستانسا سالىنىپ ءبىتتى. بولاشاقتا وسىنداي تاعى بىرنەشە نىسان سالۋ جوسپاردا بار. ول ءۇشىن مىناداي فوتوەلەكتر مودۋلدەر قاجەت. قازاقستاندا بۇل قۇرىلعىلاردى "استانا - سولار" كومپانياسى شىعارادى. مودۋلدەر ەلەكتر ەنەرگياسىن ءبىرشاما ۇنەمدەيدى جانە ارنايى كۇتىمدى قاجەت ەتپەيدى. سونداي-اق، جەكە سەكتوردا پايدالانۋعا جارامدى.
ولجاس بەكتۇروۆ، Astana Solar كومپانياسىنىڭ كوممەرتسيا بويىنشا اتقارۋشى ديرەكتورى:
- ەلباسى 2020 -جىلعا دەيىن جالپى ەنەرگەتيكانىڭ %3 ى بالامالى بولۋى ءتيىس دەگەن تاپسىرما بەرگەن بولاتىن. ءبىزدىڭ ونىمگە سۇرانىس بار. كوپتەگەن كومپانيالار كۇن ستانسالارىن سالۋعا نيەتتى. بولاشاقتا قۋاتتىلعى 700 مەگاۆاتتى قۇرايتىن ستانسالار سالىنادى دەپ جوسپارلانۋدا. كاسىپورىندا 200 گە جۋىق جۇمىسشى قىزمەت ەتەدى.
ولار ەۋروپالىق تەحنولوگيانى شەتەلدە مەڭگەرگەن. بۇگىن سول تاجىربيەنى ەلدە ءساتتى ىسكە اسىرىپ ءجۇر.
داۋلەت عابدۋللين، Astana Solar كومپانياسىنىڭ جۇمىسشىسى:
- مەن مىنا قۇرىلعىدا كۇن ۇياشىقتارىن ازىرلەيمىن. بىرىنشىدەن، ولاردى مىناداي تابەل سترينگەرلەرگە ەڭگىزەمىن. ينفرا قىزىل شامدار ارقىلى ولاردى دانەكەرلەپ جابىستىرامىن. تابەل- سترينگەر ساعاتىنا 38 مودۋل دايىنداپ شىعارادى.
Astana solar ورتا ازيادا كۇن قۋاتىن وندىرۋگە قاجەتتى قۇرىلىعىلاردى شىعاراتىن بىردەن ءبىر كاسىپورىن. جاسىل ەكونوميكا سالاسىن تۇرمىستا ەنگىزۋدى كوزدەگەن كورشى ەل ماماندارى دا وسىندا كەلىپ، زاماناۋي تەحنولوگيانى يگەرۋدە. جالپى 1-يندۋستريالدىق پاركتە بارلىعى 50 ينۆەستيتسيالىق جوبا تىركەلگەن. ولاردىڭ جارتىسى ەل بيۋدجەتىنە تابىس اكەلە باستادى.
ارحات سايابايەۆ، «استانا - جاڭا قالا» ا ە ا باسقارما باسشىسىنىڭ ورىنباسارى:
- 21 ى ىسكە قوسىلدى. قالعانى 2017 -جىلعا دەيىن قوسىلادى. 1-پارك %80 عا تولدى. پارك قۇرىلىسىنا 19 ميلليارد تەڭگە تارتىلدى. سالىق رەتىندە رەسپۋبليكالىق بيۋدجەتكە 31 ميلليارد تەڭگە قايتارىلدى.
بۇل ەكونوميكالىق ايماقتا جۇزەگە اسقان جوبالاردىڭ ىشىندە، اسىرەسە لوكوموتيۆ جانە ەلەكتروۆوز قۇراستىرۋ زاۋىتتارى مەن يەۆروكوپتەر ۇشاقتارىن شىعاراتىن كاسىپورىندى ەرەكشە اتاپ وتكەن ءجون.
ونىمدەردىڭ ەكسپورتتىق الەۋەتى دە ايتارلىقتاي جوعارى. 2001 -جىلدان بەرى شامامەن 9 ميلليارد تەڭگەنىڭ ءونىمى شەكارا استى. شەتەلدىك ينۆەستورلاردىڭ دا قىزىعۋشىلىعى جىل ساناپ ارتىپ كەلەدى. شەتەلدىك ينۆەستورلار 2-يندۋستريالدى پارك قۇرىلىسىنا دا ەرەكشە ىقىلاس تانىتىپ وتىر. جاڭا ەكونوميكالىق ايماقتىڭ كولەمى 433 گەكتاردى قۇرايدى. قۇرىلىس 2 -جىلدان كەيىن، ياعني 2017 -جىلى باستالادى. بۇگىننىڭ وزىندە مۇندا ءوندىرىسى ءتۇرلى يننوۆاتسيالىق تەحنولوگيالارعا نەگىزدەلگەن الەمدىك برەند يەلەرى مەن ترانسۇلتتىق كومپانيالار شاقىرىلۋدا.
www.24.kz
