قىتاي بانكتەرى قازاقستان جولدارىن قالپىنا كەلتىرۋدى قارجىلاندىرۋعا قاتىسادى
قازاقستاندىق كولىك جولدارىن قالپىنا كەلتىرۋ جوباسىنىڭ ينۆەستورلارىنىڭ اراسىندا ق ح ر- نىڭ ەكسيمبانكى دە بار. ونىمەن تالدىقورعان- وسكەمەن، قالباتاۋ- مايقاپشاعاي جانە مەركى- بۋرىلبايتال- اقسۇيەك كۇرە جولدارىن قالپىنا كەلتىرۋ ءۇشىن قارجىلاندىرۋ مەموراندۋمىنا قول قويىلعان.
بارلىق جوبالار بويىنشا بيىلعى جىلى تەحنيكالىق- ەكونوميكالىق نەگىزدەمە جاسالىپ جاتىر. قۇرىلىس جۇمىستارىن 2016 -جىلى باستاۋ جوسپارلانۋدا.
مەملەكەت باسشىسى ن. نازاربايەۆ تاياۋدا سويلەگەن سوزىندە قازاقستانداعى جول قۇرىلىسى ەل ەكونوميكاسىن دامىتۋدىڭ درايۆەرى بولاتىنىن اتاپ وتكەن ەدى.
«ءوز قولداۋىن قىتاي حالىق رەسپۋبليكاسى دا كورسەتەدى، سەبەبى ءبىزدىڭ ەلىمىز «جىبەك جولىنىڭ ەكونوميكالىق بەلدەۋىنە» ەنگىزىلىپ وتىر»، - دەپ اتاپ ءوتتى مەملەكەت باسشىسى.
ەسكە سالا كەتەيىك، 22 -ماۋسىمنان باستاپ «يندۋستريالاندىرۋ اپتاسىنىڭ» اياسىندا ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە بريفينگتەر مەن باسپا ءسوز ءماسليحاتتارى ءوتىپ جاتىر.
