اتىراۋدا سوت ۇلى بريتانيا ازاماتىنا ايىپپۇل سالدى

اتىراۋ. قازاقپارات - اتىراۋ مامانداندىرىلعان اكىمشىلىك سوتى ۇلىبريتانيا ازاماتى كوي گاۆين پاۋلعا قر كوشى- قون زاڭىن بۇزعانى ءۇشىن ايىپپۇل سالدى.

«كوي گاۆين پاۋل اتىراۋدا ءتيىستى رۇقساتسىز ەڭبەك قىزمەتىن جۇزەگە اسىرىپ كەلگەن. سوت ونى ق ر ا ق ب ك 517-بابىنىڭ 5-بولىگىندە كوزدەلگەن اكىمشىلىك قۇقىق بۇزۋشىلىق جاساعانى ءۇشىن ايىپتى دەپ تانىدى. ۇلى بريتانيا ازاماتى 49500 تەڭگە - 25-ايلىق ەسەپتىك كورسەتكىش كولەمىندە ايىپپۇل تۇرىندە اكىمشىلىك جازاعا تارتىلدى»، - دەپ حابارلادى وبلىستىق سوتتىڭ باسپا ءسوز حاتشىسى بورانباي عاليەۆ.